ក្រសួងអប់រំ រៀបចំពិធីប្រគល់មេដាយសម្រាប់ការប្រកួតការឌីហ្សាញផលិតផលមេកាត្រូនិច

 ក្រសួងអប់រំ រៀបចំពិធីប្រគល់មេដាយសម្រាប់ការប្រកួតការឌីហ្សាញផលិតផលមេកាត្រូនិច

(ភ្នំពេញ)៖ ដើម្បីបង្កើនការយល់ដឹងការច្នៃប្រឌិតនិងបង្កើនជំនាញរបស់សិស្សនៅក្នុងវិស័យ ពហុវិនិច្ឆ័យ ឬបន្សំ អេឡិចត្រូនិក វិស័យផ្សេងៗនៃវិស្វកម្មដូចជា អគ្គិសនី កុំព្យូទ័រ និងមេកានិច ត្រូវការនៅក្នុងឧស្សាហកម្មស្វ័យប្រវត្តិកម្ម ក្រសួងអប់រំ យុវជន និងកីឡា និងគ្រឹះស្ថានស្រាវជ្រាវច្នៃប្រឌិត និងច្នៃប្រឌិតរបស់ក្រសួងអប់រំ បានសហការជាមួយក្រុមហ៊ុនអង្គការស្ទែមកម្ពុជា រៀបចំកម្មវិធីការប្រកួតការឌីហ្សាញផលិតផលមេកាត្រូនិច (Creative Mechatronic Product Design)។

តាមរយៈកម្មវិធីនេះបានផ្តល់ជាឱកាសសម្រាប់សិស្សានុសិស្សទាំងអស់ ដែលកំពុងសិក្សានៅថ្នាក់មធ្យមសិក្សាសាធារណៈ និងឯកជន ដើម្បីបង្ហាញពីការងារ និងសមត្ថភាព ឬជំនាញរបស់ខ្លួន ជាសាធារណៈលើភាពវៃឆ្លាត (ingenuity) ភាពច្នៃប្រឌិត (creativity) គុណប្រយោជន៍សំរាប់ប្រើប្រាស់ (utility) រូបរាង សណ្ឋាន ឬទម្រង់ (form) និងការបង្កើតមុខងារ (function)។

លើកឡើងក្នុងពិធីប្រគល់មេដាយសម្រាប់ការប្រកួតការឌីហ្សាញផលិតផលមេកាត្រូនិច​នារសៀលថ្ងៃទី៣០ ខែតុលា ឆ្នាំ២០២៣នេះ​ លោកបណ្ឌិត សាន វឌ្ឍនា អនុរដ្ឋលេខាធិការក្រសួងអប់រំ យុវជន និងកីឡា បានថ្លែងបញ្ជាក់ថា តាមរយៈកម្មវិធីនេះបានផ្តល់ឱកាសយ៉ាងធំធេងដល់សិស្សានុសិស្ស និងជួយដល់សិស្សានុសិស្សដូចជា ជួយឱ្យសិស្សានុសិស្សបានទទួលនូវបទពិសោធន៍ថ្មីពីការរៀន និងការសម្សាន្ត, សិស្សានុសិស្សបានចូលរួមបែបថ្មី ជាការរៀនដោយការគិតពិចារណា ដើម្បីដោះស្រាយបញ្ហា រៀនដោះស្រាយជាក្រុម។

លោកបណ្ឌិត សាន វឌ្ឍនា បានបន្ថែមដែរថា តាមរយៈកម្មវិធីនេះដែរ សិស្សានុសិស្សក៏អាចបានជួបប្រាស្រ័យទាក់ទងជាមួយនឹងការតម្រង់ទិស ការបង្វឹកពីបណ្តាអ្នកជំនាញដែលមានបទពិសោធន៍ជាច្រើន ដែលទាំងនេះជាការបន្ថែមពីលើការបង្រៀនរបស់លោកគ្រូ អ្នកគ្រូ និងតាមសាលារៀន ក៏ដូចជាការបង្វឹកដល់ខ្លួនឯងក្នុងរៀននៅក្នុងថ្នាក់រៀនផង និងនៅខាងក្រៅថ្នាក់រៀនផងដែរ ដើម្បីបង្ហាញនូវគំនិតឆ្នៃប្រឌិតថ្មី និងចេះមើលឃើញពីបញ្ហានៅក្នុងសង្គម និងចេះរកដំណោះស្រាយដើម្បីដោះស្រាយបញ្ហាទាំងនេះ។

សូមបញ្ជាក់ដែរថា ការចូលរួមរបស់សិស្សានុសិស្សពីគ្រឹះស្ថានមធ្យមសិក្សាសាធារណៈ និងឯកជនទាំងអស់នេះ ដើម្បីបានបញ្ចេញស្នាដៃនិងសមត្ថភាពរបស់ខ្លួនទៅលើ ភាពច្នៃប្រឌិតលើការរចនាផលិតផលមេកាត្រូនិចកម្រិតមធ្យមសិក្សា បានទទួលនូវអត្ថប្រយោជន៍ដូចជា៖ ទទួលបានថវិកាគាំទ្រសម្រាប់ធ្វើការផលិតស្នាដៃការរចនាផលិតផលមេកាត្រូនិច, ក្រុមជ័យលាភីតែមួយគត់ដែលមានស្នាដៃល្អបំផុតនឹងទទួលបានវត្ថុអនុស្សាវរីយ៍ ថវិកាលើកទឹកចិត្ត និងវិញ្ញាបនបត្របញ្ជាក់ការចូលរួម, ក្រុមដែលទទួលបានជ័យលាភីនឹងទទួលបានការបណ្ដុះបណ្ដាលបន្ថែមពីសំណាក់វិស្វករជំនាញដើម្បីបង្កើតជាស្នាដៃគំរូពេញលេញ, ចំពោះស្នាដៃផលិតផលមេកាត្រូនិចដែលទទួលបានជ័យលាភីនឹងត្រូវទទួលបានការផ្សព្វផ្សាយ និងការតាំងបង្ហាញជាសាធារណៈ។

គួរជម្រាបដែរ សិស្សានុសិស្សដែលបានចូលរួមក្នុងការប្រកួតនេះ បានទៅលើក្រុមលេខ១ បានទៅលើក្រុម M4TB, លេខ២ បានទៅលើក្រុម Builder Max, លេខ៣ បានទៅលើក្រុម ក្រុមយុរវជនថ្នាក់ទៅ១២, លេខ៤ បានទៅលើក្រុម Teen-Bot និងលេខ៥ បានទៅលើក្រុម ក្រុមបន្ទាយមានជ័យ៕

(សូមអានបន្ត)

ប្រជាពលរដ្ឋរងគ្រោះដោយសារជំនន់ទឹកភ្លៀង ៧៣គ្រួសារ នៅសង្កាត់ក្បាលកោះ ទទួលអំណោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែ

(ភ្នំពេញ)៖ ប្រជាពលរដ្ឋចំនួន៧៣គ្រួសារ រស់នៅក្នុងសហគមន៍វាលស្បូវ មានទីតាំងនៅក្នុងភូមិព្រែកធំ១ សង្កាត់ក្បាលកោះ ខណ្ឌច្បារអំពៅ ដែលរងគ្រោះដោយសារជំនន់ទឹកភ្លៀង បានទទួលអំណោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នាល្ងាចថ្ងៃទី៣០ ខែតុលា ឆ្នាំ២០២៣នេះ។

សកម្មភាពមនុស្សធម៌នាំយកអំណោយរបស់កាកបាទក្រហមកម្ពុជា ទៅចែកជូនប្រជាពលរដ្ឋដល់លំនៅដ្ឋាននេះ ដឹកនាំដោយលោក ចេង មុនីរ៉ា ប្រធានកិត្តិយសអនុសាខាកាកបាទក្រហមកម្ពុជាខណ្ឌច្បារអំពៅ និងជាអភិបាលខណ្ឌ រួមជាមួយក្រុមការងារអនុសាខាកាកបាទក្រហមខណ្ឌជាច្រើននាក់ទៀត។

លោកអភិបាលខណ្ឌ បានណែនាំឱ្យប្រជាពលរដ្ឋមានការប្រុងប្រយ័ត្នខ្ពស់ពីសុវត្ថិភាព កូនចៅរបស់ខ្លួននៅក្នុងគ្រួសារ ហាមកូនចៅចុះលេងទឹក ជាពិសេសត្រូវប្រុងប្រយ័ត្ន ចំពោះសត្វអសិរពិសគ្រប់ប្រភេទ។ ថ្វីដ្បិតតែអំណោយទាំងនេះ មិនសមប្រកបទៅតាមការចង់បានរបស់ប្រជាពលរដ្ឋយ៉ាងណាក៏ដោយ តែវាបានសម្រាលការលំបាករបស់បងប្អូនមួយរយៈពេលដែរ ហើយនេះជាទឹកចិត្តដ៏ប្រពៃរបស់សម្ដេច កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា តាមរយៈលោក ឃួង ស្រេង អភិបាលរាជធានីភ្នំពេញ សម្រាបយកមកជួយឧបត្ថម្ភដើម្បីសម្រាលទុក្ខលំបាករបស់បងប្អូនដែលមានជីវភាពខ្វះខាត ប្រជាពលរដ្ឋរងគ្រោះដោយអគ្គិភ័យប្រជាពលរដ្ឋរងគ្រោះដោយជំនន់ផ្សេងផ្សេង។

ជាមួយគ្នានេះដែរ លោកអភិបាលខណ្ឌបានពាំនាំនូវប្រសាសន៍ផ្តាំផ្ញើសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចកាលសម្ដេច តែងតែគិតគូរខ្ពស់ពីការរស់នៅរបស់ប្រជាពលតដ្ឋដោយមិនប្រកាន់និន្នាការនយោបាយ សាសនា ជាតិសាសន៍ ពណ៌សម្បុរ អ្វីនោះឡើយ។

លោកអភិបាលខណ្ឌបានផ្ដាំផ្ញើបន្ថែមដល់ប្រជាពលរដ្ឋនៅក្នុងសហគមន៍ បើជួបបញ្ហាខ្វះខាតជីវភាពគ្រួសារ បញ្ហាមិនប្រក្រតីណាមួយ ដែលកើតឡើងត្រូវរាយការណ៍បន្ទាន់ដល់អាជ្ញាធរ សង្កាត់ និងខណ្ឌដើម្បីរិះរកមធ្យោបាយដោះស្រាយជូន។

អំណោយដែលយកមកចែកជូននៅពេលនេះក្នុងមួយគ្រួសារៗ ទទួលបានអង្ករ ២៥គីឡូក្រាម និងថវិកាមួយចំនួន៕

(សូមអានបន្ត)

រដ្ឋមន្ដ្រីសុខាភិបាល ស្នើដល់មូលដ្ឋានសុខាភិបាលទាំងអស់ត្រូវយកចិត្ដទុក្ខដាក់ខ្ពស់ក្នុងការថែទាំ ព្យបាលអ្នកជំងឺ និងប្រចាំការជាប់ជានិច្ច ក្នុង២៤ម៉ោង

(កណ្ដាល)៖ រដ្ឋមន្ដ្រីក្រសួងសុខាភិបាល លោកសាស្ដ្រាចារ្យ ឈាង រ៉ា បានស្នើដល់មន្ដ្រី បុគ្គលិក តាមមូលដ្ឋានសុខាភិបាល ដែលប្រតិបត្ដិផ្ទាល់ជាមួយអ្នជំងឺ ត្រូវចិត្ដទុកដាក់ខ្ពស់ ក្នុងថែទាំ ព្យាបាលអ្នកជំងឺ​ ដែលមកទទួលសេវាពីយើង ទោះក្នុងពេលវេលាណាក៏ដោយ ។

ការថ្លែងដូច្នេះរបស់លោរដ្ឋមន្ដ្រី ឈាង រ៉ា ក្នុងឱកាសចុះពិនិត្យលទ្ធផលការងារដែលសម្រេចបានជារូបរាង និងបន្ដសំណេះសំណាលជាមួយមន្រ្តីសុខាភិបាល នៅមណ្ឌលសុខភាព មន្ទីរពេទ្យបង្អែក នៅខេត្តកណ្ដាល នាថ្ងៃទី២៩ ខែតុលា ឆ្នាំ២០២៣។

នៅចំពោះមុខនេះលោកសាស្ដ្រាចារ្យរដ្ឋមន្ដ្រី ក៏បានណែនាំដល់មន្ដ្រីនៅតាមមូលដ្ឋានសុខាភិបាលទាំងអស់ ត្រូវពង្រឹងក្នុងការប្រចាំការនៅតាមមន្ទីរពេទ្យ ឬមណ្ឌលសុខភាព ២៤ម៉ោង លើ២៤ម៉ោង នឹងត្រូវបង្កើនសមត្ថភាពជាបន្ដបន្ទាប់នូវចំណេះជំនាញ ដើម្បីដើរស្របតាមបច្ចេកវិទ្យាថ្មីៗ ជាពិសសសម្រាប់ប្រធានមន្ទីរពេទ្យ និងមណ្ឌលសុខភាពដែលបានចូលរៀនវគ្គបណ្ដុះបណ្ដាលភាពជាអ្នកដឹកនាំ និងនវានុវត្ដន៍ ដែលក្រសួងបានរៀបចំរៀងរាល់សប្ដាហ៍ សូមយកចំណេះដឹងនេះ ទៅបង្ហាត់បង្រៀនបន្ដដល់បុគ្គលិកក្រោមឱវាទបន្ថែមទៀត ដើម្បីឱ្យបុគ្គលិកយើងកា្លយជាអ្នកដឹកនាំ មានទំនួលខុសត្រូវលើការងាររបស់ខ្លួន កាន់តែច្បាស់ ឈានទៅបម្រើសេវាសុខាភិបាល ជូនប្រជាពលរដ្ឋកាន់តែប្រសើរថែមទៀត។

គួសបញ្ជាក់ថា លោកសាស្ត្រាចារ្យរដ្ឋមន្ត្រី ដែលមានបទពិសោធន៍ជាច្រើនឆ្នាំក្នុងវិស័យសុខាភិបាល និងជាអ្នកដឹកនាំដ៏ឆ្នើម បានដឹកនាំវគ្គបណ្តុះបណ្តាលស្តីពី «ភាពជាអ្នកដឹកនាំ និងនវានុវត្តន៍» ដល់មន្រ្តីក្រោមឱវាទក្រសួងសុខាភិបាល ចាប់ពីប្រធានការិយាល័យទីស្តីការក្រសួងសុខាភិបាល រហូតដល់រដ្ឋលេខាធិការក្រសួងសុខាភិបាល និងប្រធាន-អនុប្រធានអង្គភាពថ្នាក់កណ្តាល ព្រមទាំងប្រធានអង្គភាពថ្នាក់ក្រោមជាតិ ចាប់ពីប្រធានមណ្ឌលសុខភាព រហូតដល់ប្រធានមន្ទីរសុខាភិបាលរាជធានី-ខេត្ត សរុបចំនួន ជិត២ពាន់នាក់ ដែលរៀបចំឡើងតាមប្រព័ន្ធវីដេអូ រៀងរាល់រសៀលថ្ងៃអង្គារ៍ មានរយៈពេល៣ម៉ោង។

ការរៀបចំវគ្គបណ្តុះបណ្តាលនេះ ក្នុងគោលបំណងអនុវត្តយុទ្ធសាស្រ្តគន្លឹះចំនួន ៩ចំនុច និងអាទិភាព ៣ រួមមាន ១)ការពង្រឹងមណ្ឌលសុខភាពលើហេដ្ឋារចនាសម្ព័ន្ធ ការផ្គត់ផ្គង់ឱសថ សម្ភារៈបរិក្ខារ និងសមត្ថភាពបុគ្គលិក ២)ការពង្រឹងមន្ទីរពេទ្យបង្អែកស្រុកប្រតិបត្តិ លើការសង្គ្រោះបន្ទាន់ ប្រពោធនកម្ម ផ្នែកវះកាត់ មន្ទីរពិសោធន៍ និងរូបភាពវេជ្ជសាស្ត្រ និង៣)ការពង្រឹងសមត្ថភាព និងភាពជាអ្នកដឹកនាំមន្ត្រីនៅថ្នាក់ជាតិ និងថ្នាក់ក្រោមជាតិ ដើម្បីគាំទ្រកំណែទម្រង់ និងអនុវត្តយុទ្ធសាស្រ្តបញ្ចកោណ របស់រាជរដ្ឋាភិបាលសម្រាប់នីតិកាលទី៧ នៃរដ្ឋសភា៕

(សូមអានបន្ត)

ព្រឹកថ្ងៃនេះសម្តេចធិបតី ហ៊ុន ម៉ាណែត អញ្ជើញជួបសំណេះសំណាលជាមួយកម្មករនិយោជិតជាង១,២ម៉ឺននាក់ នៅខេត្តកំពង់ចាម

 ព្រឹកថ្ងៃនេះសម្តេចធិបតី ហ៊ុន ម៉ាណែត អញ្ជើញជួបសំណេះសំណាលជាមួយកម្មករនិយោជិតជាង១,២ម៉ឺននាក់ នៅខេត្តកំពង់ចាម

(ភ្នំពេញ)៖ នៅព្រឹកថ្ងៃទី២៥ ខែតុលា ឆ្នាំ២០២៣នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា អញ្ជើញជួបសំណេះសំណាលជាមួយ កម្មករ និយោជិតប្រមាណ ១២ ០៦០នាក់ នៅ បណ្តារោងចក្រ សហគ្រាសចំនួន១៤ ដែលមានមូលដ្ឋាននៅក្នុងស្រុកព្រៃឈរ និងស្រុកកំពង់សៀម ខេត្តកំពង់ចាម។

រោងចក្រ សហគ្រាសទាំង ១៤នេះ ជាប្រភេទរោងចក្រកាត់ដេរសម្លៀកបំពាក់ ចំនួន៧ រោងចក្រដេរស្បែកជើង ចំនួន៥ រោងចក្របោះពុម្ពលើសម្លៀកបំពាក់ ចំនួន១ និងរោងចក្រតម្បាញ ចំនួន១។ នេះគឺជាលើកទី៦ ហើយ ដែល សម្តេចមហាបវរធិបតី ហ៊ុន ម៉ាណែត បានជួបសំណេះសំណាលជាមួយកម្មករ និយោជិត តាមបណ្តារោងចក្រ សហគ្រាសនានា ក្នុងឋានៈជា នាយករដ្ឋមន្ត្រីនៃព្រះរាជាណាចក្រកម្ពុជា ក្រោយពេល រាជរដ្ឋាភិបាល អាណត្តិទី៧ ត្រូវបានបង្កើតឡើង កាលពីខែសីហា ឆ្នាំ២០២៣។

សម្តេចធិបតី ហ៊ុន ម៉ាណែត បានជួបសំណេះសំណាលជាមួយកម្មករនិយោជិត៥លើករួចមកហើយ ដោយ លើកទី១ ធ្វើឡើងនៅថ្ងៃទី២៩ ខែសីហា នៅតំបន់ព្រៃស្ពឺ រាជធានីភ្នំពេញ មានកម្មករ និយោជិតចូលរួមចំនួន ១៨,០១៣នាក់, លើកទី២ ធ្វើឡើងនៅថ្ងៃទី០១ ខែកញ្ញា ឆ្នាំ២០២៣ នៅក្រុងតាខ្មៅ ខេត្តកណ្តាល មានកម្មករ និយោជិតចូលរួម ១៨,២៨៩នាក់, លើកទី៣ ធ្វើឡើងនៅថ្ងៃទី៩ ខែកញ្ញា ឆ្នាំ២០២៣ នៅស្រុកសំរោងទង ខេត្តកំពង់ស្ពឺ មានកម្មករ និយោជិតចូលរួម ១៨,២៦៥នាក់, លើកទី៤ ធ្វើឡើងនៅថ្ងៃទី១៩ ខែកញ្ញា ឆ្នាំ២០២៣ ក្នុងស្រុកបាទី ខេត្តតាកែវ មានកម្មករ និយោជិតចូលរួម ១៨,១០៤នាក់ និងលើកទី៥ ធ្វើឡើង នៅថ្ងៃទី៣ ខែតុលា ឆ្នាំ២០២៣ នៅក្នុងទឹកដីភូមិសាស្ត្រខណ្ឌដង្កោ និងមានជ័យ រាជធានីភ្នំពេញ ដោយមានកម្មករនិយោជិតចូលរួមចំនួន ១៨,០៩៩នាក់។

ក្នុងជំនួបកន្លងទៅ សម្តេចធិបតី បានបង្ហាញពីគោលនយោបាយរបស់រាជរដ្ឋាភិបាលក្នុងនីតិកាលថ្មី ជាពិសេសយុទ្ធសាស្ត្របញ្ចកោណ-ដំណាក់កាលទី១ ដែលជាយុទ្ធសាស្ត្រផ្តោតការយកចិត្តទុកដាក់ខ្ពស់លើកំណើនការងារ និងលើកកម្ពស់ជីវភាពរបស់ប្រជាពលរដ្ឋឱ្យកាន់តែល្អប្រសើរ ជាពិសេស ការងារអាទិភាព ៦ សម្រាប់ ក្រសួងការងារ និងបណ្តុះបណ្តាលវិជ្ជាជីវៈ អនុវត្តឱ្យមានប្រសិទ្ធភាពក្នុងឆ្នាំ២០២៣នេះរួមមាន៖

១៖ ខិតខំសម្របសម្រួលការពិភាក្សាប្រាក់ឈ្នួលអប្បបរមាឱ្យបានល្អ ដោយឈរលើលក្ខណៈវិទ្យាសាស្ត្រ និងលក្ខណៈវិនិច្ឆ័យដែលមានចែងក្នុងច្បាប់ស្តីពីប្រាក់ឈ្នួលអប្បបរមា ឱ្យបានមុនពេលឈប់សម្រាកបុណ្យភ្ជុំបិណ្ឌ។ ការងារនេះ បានចេញលទ្ធផលរួចហើយ ដោយថ្ងៃទី២៨ ខែកញ្ញា ឆ្នាំ២០២៣កន្លងទៅ ក្រុមប្រឹក្សាជាតិប្រាក់ឈ្នួលអប្បបរមា បានបោះឆ្នោតសម្រេចយកតួលេខ២០២ដុល្លារ ហើយសម្តេចធិបតី ហ៊ុន ម៉ាណែត បានសម្រេចបន្ថែមទឹកប្រាក់ ២ដុល្លារអាមេរិកទៀត ធ្វើឱ្យប្រាក់ឈ្នួលអប្បបរមារបស់កម្មករ និយោជិតឆ្នាំ២០២៤ ឡើងដល់ ២០៤ដុល្លារក្នុងមួយខែ។ តាមរយៈការកើនឡើងប្រាក់ឈ្នួលនេះ នឹងធ្វើជួយធ្វើឱ្យជីវភាពរបស់កម្មករ និយោជិត ក្រុមគ្រួសារកាន់តែល្អប្រសើរ។

២៖ រៀបចំលិខិតបទដ្ឋានគតិយុត្តិជាបន្ទាន់ ដើម្បីត្រៀមដាក់ឱ្យដំណើរការរបបសន្តិសុខសង្គមផ្នែកថែទាំសុខភាព តាមរបបភាគទានដោយស្ម័គ្រចិត្តសម្រាប់អ្នកក្នុងបន្ទុកសមាជិក ប.ស.ស. ដើម្បីជួយសម្រាលបន្ទុក ចំណាយផ្នែកថែទាំសុខភាពរបស់កម្មករនិយោជិត និងក្រុមគ្រួសារឱ្យបានលឿន និងត្រូវផ្សព្វផ្សាយឱ្យបានទូលំទូលាយដលកម្មករនិយោជិត ព្រមទាំងបង្កើតយន្តការងាយស្រួលសម្រាប់កម្មករនិយោជិតអាចចូលរួមជាមួយនឹងកម្មវិធីនេះ។

៣៖ រៀបចំដាក់ឱ្យដំណើរការកម្មវិធីបណ្ដុះបណ្តាលជំនាញបច្ចេកទេសវិជ្ជាជីវៈដល់យុវជនមកពីគ្រួសារកីក្រ និងគ្រួសារងាយរងហានិភ័យនៅទូទាំងប្រទេសចំនួនប្រមាណ ១.៥លាននាក់ និងសម្របសម្រួលជាមួយភាគីពាក់ព័ន្ធអនុញ្ញាតឱ្យកម្មករនិយោជិតអាចចូលរៀនជំនាញវិជ្ជាជីវៈផងដែរ ដើម្បីបង្កើនផលិតភាព ប្រសិទ្ធភាព ការងារនៅកន្លែងការងារ ដោយត្រូវរៀបចំវគ្គបណ្តុះបណ្តាលនៅវេនពេលយប់ ឬចុងសប្ដាហ៍។

៤៖ ត្រូវជំរុញការអនុវត្តកាតព្វកិច្ចហ្វឹកហ្វឺនកូនជាងឱ្យបានពេញលេញស្របតាមច្បាប់ស្តីពីការងារ ដោយរួមបញ្ចូលកម្មវិធីហាត់ការ កម្មសិក្សា កម្មវិធីបង្កើនជំនាញ និងការរៀបចំជំនាញឡើងវិញ ដោយលើកទឹកចិត្តវិស័យឯកជនចូលរួមអនុវត្តកាតព្វកិច្ចក្នុងការបណ្តុះបណ្តាលកម្មករ និយោជិត និងផ្ដល់ការបណ្តុះបណ្តាលបន្ថែមដល់កម្មករនិយោជិតដែលកំពុងធ្វើការ ដើម្បីលើកកម្ពស់សមត្ថភាពជំនាញ បង្កើនផលិតភាព និងលទ្ធភាពនៃការបង្កើនប្រាក់ឈ្នួល។

៥៖ យកចិត្តទុកដាក់ការអនុវត្តកម្មវិធីឧបត្ថម្ភសាច់ប្រាក់ដល់ស្រ្តីមានផ្ទៃពោះ ទាំងមុនពេលសម្រាលកូន ពេលសម្រាលកូន និងក្រោយពេលសម្រាលកូនឱ្យបានល្អ និងកាន់តែមានភាពងាយស្រួល។ ហើយក៏ត្រូវធានាផងដែរថា ស្ត្រីមានផ្ទៃពោះ និងជនមានពិការភាពបានចេញធ្វើការមុន ១៥នាទី។

៦៖ បង្កើតឱ្យមានកម្មវិធីប្រកួតប្រជែងលើប្រធានបទ ភាពសុខដុមរមនានៅកន្លែងធ្វើការ ដើម្បីប្រែក្លាយសហគ្រាសមួយជាសហគមន៍សុខសាន្ដមួយ ចាប់ពីឆ្នាំ២០២៤នេះតទៅ។

សម្តេចធិបតីនាយករដ្ឋមន្ត្រី ក៏បានណែនាំផែនការសកម្មភាពក្នុងរយៈពេលពីរឆ្នាំខាងមុខ ឱ្យក្រសួងការងារ និងបណ្តុះបណ្តាលវិជ្ជាជីវៈ យកចិត្តទុកដាក់អនុវត្តលើការងារអាទិភាពចំនួន៤ទៀតផងដែរ ដែលក្នុងនោះរួមមាន៖

១៖ សហការជាមួយក្រសួងកិច្ចការនារី ក្រសួងអប់រំ យុវជន និងកីឡា តំណាងភាគីនិយោជក និងតំណាងភាគីកម្មករនិយោជិត រួមគ្នាសិក្សាលទ្ធភាពបង្កើតទារកដ្ឋាន និងមត្តេយ្យសហគមន៍ នៅតាមតំបន់ដែលមានរោងចក្រ ដោយមានការចូលរួមទ្រទ្រង់ពីនិយោជក និងភាគីពាក់ព័ន្ធនានា។

២៖ សហការជាមួយភាគីពាក់ព័ន្ធជំរុញការកែលម្អកន្លែងហូបបាយ ឬអាហារដ្ឋាននៅតាមរោងចក្រ ដែលកំពុងដំណើរការឱ្យបានសមរម្យសម្រាប់កម្មករនិយោជិត និងតម្រូវឱ្យមានការរៀបចំកន្លែងហូបបាយ ឬអាហារដ្ឋានសម្រាប់រោងចក្រដែលត្រូវបង្កើតថ្មី។

៣៖ សហការជាមួយភាគីពាក់ព័ន្ធសិក្សាយន្តការគាំទ្រ និងលើកទឹកចិត្តឱ្យមានការផ្លាស់ប្ដូរជាបណ្តើរៗនូវមធ្យោបាយដឹកជញ្ជូនកម្មករនិយោជិត ដែលស្របតាមបទដ្ឋានបច្ចេកទេស និង ផាសុកភាពជាងមុនត្រឹមឆ្នាំ២០២៧។

៤៖ ជំរុញកម្មវិធីធ្វើតេស្តទទួលស្គាល់ជំនាញ ដែលជាឱកាសសម្រាប់កម្មករនិយោជិត ទាំងក្នុង និងក្រៅប្រទេសអាចមានវិញ្ញាបនបត្រទទួលស្គាល់ជំនាញមួយ ដើម្បីបង្ហាញពីសមត្ថភាព និងកម្រិតជំនាញរបស់ខ្លួនផងដែរ។

ក្រោមការសម្របសម្រួល និងយកចិត្តទុកដាក់របស់រាជរដ្ឋាភិបាលកម្ពុជា កាលពីចុងខែកញ្ញាកន្លងទៅនេះ ប្រាក់ឈ្នួលអប្បបរមា របស់កម្មករនិយោជិតក្នុងវិស័យ វាយនភណ្ឌកាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប ត្រូវបានប្រកាសដំឡើងថែមទៀត នៅឆ្នាំ២០២៤ ដែលមានចំនួនទាបបំផុត ២០៤ដុល្លារក្នុង១ខែ ពោលគឺកើនឡើង៤ដុល្លារ បើធៀបនឹងឆ្នាំ២០២៣ ទោះបីជា ពិភពលោក ប្រឈមនឹងវិបត្តិសេដ្ឋកិច្ចយ៉ាងណាក៏ដោយ៕

(សូមអានបន្ត)

អភិបាលខេត្តកំពង់ស្ពឺ អញ្ជើញចុះសួរសុខទុក្ខ និងចែកអំណោយមនុស្សធម៌របស់សាខា កាកបាទក្រហម ជូនប្រជាពលរដ្ឋងាយរងគ្រោះចំនួន ៥៥គ្រួសារ ស្ថិតក្នុងឃុំចំបក់ ស្រុកភ្នំស្រួច

អភិបាលខេត្តកំពង់ស្ពឺ អញ្ជើញចុះសួរសុខទុក្ខ និងចែកអំណោយមនុស្សធម៌របស់សាខា កាកបាទក្រហម ជូនប្រជាពលរដ្ឋងាយរងគ្រោះចំនួន ៥៥គ្រួសារ ស្ថិតក្នុងឃុំចំបក់ ស្រុកភ្នំស្រួច

(កំពង់ស្ពឺ)៖  លោក វ៉ី សំណាង អភិបាល នៃគណ:អភិបាលខេត្ត និងជាប្រធានគណ:កម្មាធិការសាខា កាកបាទក្រហម រួមទាំងសហការី បានអញ្ជើញចុះសួរសុខទុក្ខ និងចែកអំណោយមនុស្សធម៌របស់សាខា កាកបាទក្រហម ជូនប្រជាពលរដ្ឋងាយរងគ្រោះចំនួន ៥៥គ្រួសារ ស្ថិតក្នុងឃុំចំបក់ ស្រុកភ្នំស្រួច ខេត្តកំពង់ស្ពឺ។

(សូមអានបន្ត)

ព្រឹកថ្ងៃនេះ សម្តេចធិបតី ហ៊ុន ម៉ាណែត អញ្ជើញសម្ពោធដាក់ឱ្យប្រើប្រាស់ជាផ្លូវការ «មន្ទីរពេទ្យជាតិ តេជោសន្តិភាព» និងប្រកាសដាក់ឱ្យ​អនុវត្តជាផ្លូវការនូវកម្មវិធីទី១ នៃគោលនយោបាយជាអាទិភាពទាំង៦

 ព្រឹកថ្ងៃនេះ សម្តេចធិបតី ហ៊ុន ម៉ាណែត អញ្ជើញសម្ពោធដាក់ឱ្យប្រើប្រាស់ជាផ្លូវការ «មន្ទីរពេទ្យជាតិ តេជោសន្តិភាព» និងប្រកាសដាក់ឱ្យ​អនុវត្តជាផ្លូវការនូវកម្មវិធីទី១ នៃគោលនយោបាយជាអាទិភាពទាំង៦

(ភ្នំពេញ)៖ នៅព្រឹកថ្ងៃអង្គារ ទី២៤​ ខែតុលា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា អញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការ «មន្ទីរពេទ្យជាតិ​ តេជោសន្តិភាព» និងប្រកាសដាក់ឱ្យ​អនុវត្តជាផ្លូវការនូវកម្មវិធីទី១ នៃគោលនយោបាយជាអាទិភាពទាំង៦ គឺ «ការពង្រីកវិសាលភាពមូលនិធិសមធម៌ ដល់គ្រួសារងាយរងហានិភ័យ»។

មន្ទីរពេទ្យ «តេជោសន្តិភាព» គឺជាមន្ទីពេទ្យដ៏ធំជាងគេបំផុតនៅក្នុងប្រទេសកម្ពុជា ដែលបានចាប់ផ្តើមសាងសង់ កាលពីថ្ងៃទី២៨ ខែមីនា ឆ្នាំ២០២២ ដោយក្រុមហ៊ុន ស៊ីជេអ៉ីស៊ី CJEC co,Ltd សហការ​ជាមួយ​សាលា​រាជធានី​ភ្នំពេញ នៅលើផ្ទៃដីប្រមាណ ៧.៥៨ហិកតា ជាប់វិថីឈ្នះឈ្នះ ស្ថិតក្នុងសង្កាត់គោករកា ខណ្ឌ​ព្រែកព្នៅ រាជធានីភ្នំពេញ។ មន្ទីរពេទ្យជាតិនេះ មានគ្រែសរុបទាំងអស់ចំនួន ៩,៤៩៦គ្រែ ក្នុងនោះគ្រែសម្រាកព្យាបាលសម្រាប់អ្នកជំងឺមានចំនួនសរុប ៩,២៤៤គ្រែ គ្រែសម្រាប់គ្រូពេទ្យប្រចាំការចំនួន ៤៦គ្រែ និងគ្រែសម្រាប់បុគ្គលិកស្នាក់នៅចំនួន២០៦គ្រែ។

មន្ទីរពេទ្យជាតិតេជោសន្ដិភាព មានចំនួន១១អគារ ដែលមានអគារព្យាបាល និងសង្គ្រោះបន្ទាន់ (E) មានទំហំ ៧,៤៨០ ម៉ែត្រការ៉េ, អគារព្យាបាលកម្រិតធ្ងន់ (H1 និង H2) មានគ្រែសរុបចំនួន៥២៧គ្រែ, អគារ​ព្យាបាល​កម្រិត​ស្រាល​ (H3,H4,H5, H6 និង H7), អគារបច្ចេកទេស(T1), អគារបច្ចេកទេស (T2), អគារ​ផ្គត់​ផ្គង់​ និង​ព័ត៌មាន​ (A)​ មាន​ទំហំ២,៨៣៥ ម៉ែត្រការ៉េ, អគារស្នាក់នៅសម្រាប់បុគ្គលិក (S) មានគ្រែសរុបចំនួន ២៣៤ គ្រែ។ ចំណត​រថយន្ត​មាន​ផ្ទៃក្រឡា ៧,០២៦ ម៉ែត្រការ៉េ ដែលអាចចត រថយន្តបានចំនួន ២១០ គ្រឿង មានសួនច្បារព័ណ៌បៃតងទំហំ ៤,៤៩០ ម៉ែត្រការ៉េផងដែរ។

ជាមួយនឹងការសម្ពោធដាក់ឱ្យប្រើប្រាស់ជាផ្លូវការ នៃ «មន្ទីរពេទ្យជាតិ​ តេជោសន្តិភាព» ដែលជាសមិទ្ធផលសំខាន់ នៃវិស័យសុខាភិបាលកម្ពុជានេះ សម្តេចធិបតី ហ៊ុន ម៉ាណែត ក៏នឹងប្រកាសដាក់ឱ្យ​អនុវត្តជាផ្លូវការនូវ កម្មវិធីទី១ នៃគោលនយោបាយជាអាទិភាពទាំង៦ នៃគោលនយោបាយយុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាល អាណត្តិទី៧ ផងដែរ។ កម្មវិធីអាទិភាពទី១នេះ គឺការពង្រីកសេវាថែទាំសុខភាពឆ្ពោះទៅរកការគ្របដណ្តប់សុខភាពជាសាកល។

គោលនយោបាយអាទិភាពទាំង ៦ចំណុច របស់រាជរដ្ឋាភិបាល អាណត្តិទី៧ ត្រូវបានដាក់ឱ្យអនុវត្តជាបន្ទាន់ ដើម្បីជួយដល់ប្រជាពលរដ្ឋដែលក្រីក្រ និងរងគ្រោះពិតប្រាកដ ក្នុងនោះរួមមាន៖

ទី១៖ ពង្រីកសេវាថែទាំសុខភាពឆ្ពោះទៅរកការគ្របដណ្តប់សុខភាពជាសាកល ពោលគឺនៅពេលមានជំងឺ មន្ត្រីរាជការស៊ីវិល កម្លាំងប្រដាប់អាវុធ និងប្រជាពលរដ្ឋ ជាពិសេសពលរដ្ឋក្រីក្រ និងងាយរងគ្រោះ ត្រូវទទួលបាននូវសេវាថែទាំសុខភាពគ្រប់ៗគ្នា។

ទី២៖ យុវជនដែលជាកូនអ្នកក្រីក្រ និងងាយរងគ្រោះនឹងទទួលបានការបណ្ដុះបណ្ដាលជំនាញវិជ្ជាជីវៈដើម្បីពួកគេអាចយកទៅប្រកបរបរចិញ្ចឹមជីវិតបានងាយស្រួល។ ការបណ្ដុះបណ្ដាលនេះធ្វើឡើងដោយឥតបង់ប្រាក់ហើយថែមទាំងទទួលបានការឧបត្ថម្ភកំឡុងពេលបណ្ដុះបណ្ដាលបន្ថែមទៀត។

ទី៣៖ ពលរដ្ឋក្រីក្រនិងងាយរងគ្រោះនឹងទទួលបាននូវភាពកក់ក្តៅតាមរយៈកម្មវិធីជាតិជំនួយសង្គមដែលនឹងត្រូវពង្រឹងឲ្យទៅជាកម្មវិធីជាតិរឹងមាំមួយ ពោលគឺ នៅពេលពលរដ្ឋជួបវិបត្តិរឿឫហានិភ័យផ្សេងៗ កម្មវិធីជាតិជំនួយសង្គមនិងរង់ចាំជួយពួកគេប្រកបដោយប្រសិទ្ធភាពខ្ពស់។

ទី៤៖ អ្នកប្រកបរបរក្រៅប្រព័ន្ធនិងទទួលបានការយកចិត្តទុកដាក់ ហើយពួកគេក៏អាចទទួលបានអត្ថប្រយោជន៍ដូចអ្នកប្រកបរបរក្នុងប្រព័ន្ធដែរនៅពេលដែលពួកគេជួបវិបត្តិឫហានិភ័យផ្សេងៗ។

ទី៥៖ ប្រជាកសិករនិងទទួលបាននូវការគាំពារតាមរយៈការដាក់ចេញនូវយន្តការសម្របសម្រួល និងកម្មវិធីហិរញ្ញប្បទាន (ការផ្ដល់ប្រាក់កម្ចីដើម្បីប្រកបមុខរបរកសិកម្ម) ជាពិសេសគឺទទួលបាននូវការការពារតម្លៃកសិផលឲ្យបានសមរម្យ ដោយមិនឲ្យកសិករខាតបង់ឡើយ។

ទី៦៖ រាជរដ្ឋាភិបាលនិងបញ្ជូនមន្ត្រីបច្ចេកទេសកសិកម្មទៅជួយកសិករនៅគ្រប់ឃុំសង្កាត់ដែលមានពលរដ្ឋប្រកបរបរកសិកម្ម និងបង្កើតសហគមន៍កសិករនៅទូទាំងប្រទេសដើម្បីការពារផលប្រយោជន៍របស់កសិករ៕

(សូមអានបន្ត)

ប្រតិភូកីឡាប៉ារ៉ាឡាំពិកកម្ពុជា ចូលរួមពិធីបើកកីឡាអាស៊ីប៉ារ៉ាហ្គេមនៅប្រទេសចិន

ប្រតិភូកីឡាប៉ារ៉ាឡាំពិកកម្ពុជា ចូលរួមពិធីបើកកីឡាអាស៊ីប៉ារ៉ាហ្គេមនៅប្រទេសចិន

ភ្នំពេញ: ថ្ងៃទី២៣ ខែតុលា ឆ្នាំ២០២៣ ប្រតិភូកីឡាប៉ារ៉ាឡាំពិកកម្ពុជាបានចូលរួមដង្ហែ និងអបអរសាទរពិធីបើកជាផ្លូវការ ព្រឹត្តិការណ៍កីឡាអាស៊ីប៉ារ៉ាហ្គេម លើកទី៤ នៅទីក្រុងហាន់ចូវ សាធារណរដ្ឋប្រជាមានិតចិន កាលពីយប់ថ្ងៃទី២២ ខែតុលា ឆ្នាំ២០២៣។

ឯកឧត្តម យី វាសនា អគ្គលេខាធិការ គណៈកម្មាធិការជាតិប៉ារ៉ាឡាំពិកកម្ពុជាគូសបញ្ជាក់ថា នៅក្នុងពិធីបើកជាផ្លូវការនេះ ក្រុមប្រតិភូកីឡាប៉ារ៉ាឡាំពិកកម្ពុជាបានចូលរួមដង្ហែក្បួនអមដោយទង់ជាតិកម្ពុជា ដើម្បីបង្ហាញពីការចូលរួមវត្តមាន កិត្យានុភាពជាតិ នៅក្នុងចំណោមបណ្តាប្រទេសនានាចំនួន៤៣ប្រទេស ដែលបានចូលរួមប្រកួតព្រឹត្តិការណ៍កីឡាអាស៊ីប៉ារ៉ាហ្គេម លើកទី៤ នៅប្រទេសចិន ឆ្នាំ២០២៣នេះ។ កម្ពុជាមានមោទនភាព ស្មើមុខ ស្មើសិទ្ធិ ក្នុងតំបន់។ តាមរយៈព្រឹត្តិការណ៍កីឡា ក្រៅពីការប្រកួតប្រជែងមេដាយ ក៏កម្ពុជាបានចូលរួមក្នុងនាមជាប្រទេសមួយមានភាពស្មើមុខស្មើមាត់ជាមួយនឹងបណ្តាប្រទេសដទៃទៀត ធ្វើឲ្យកិត្តិស័ព្ទ កិត្តិនាមរបស់ប្រទេសកម្ពុជាយើងកាន់តែល្បីល្បាញ ការគោរពសិទ្ធិមនុស្ស លើឆាកអន្តរជាតិ។

ជាមួយគ្នានេះ កីឡាករហែលទឹកជនពិការកម្ពុជា ខូ កូយ បានចូលរួមរត់ភ្លើងគប់ អាស៊ីប៉ារ៉ាហ្គេម លើកទី៤ កាលពីថ្ងៃទី២១ តុលា ២០២៣ ដែលនេះជាមហាកិត្តិយស និងជាប្រវត្តិសាស្ត្ររបស់កម្ពុជា ក្នុងព្រឹត្តិការណ៍កីឡាជនពិការ ដែលត្រូវបានប្រារព្ធធ្វើឡើង ក្នុងរយៈពេល៤ឆ្នាំម្តង។

កម្ពុជាបានបញ្ជូនកីឡាករ កីឡាការិនីមានពិការភាពរបស់ខ្លួនចំនួន៦ប្រភេទកីឡា សរុប២៤នាក់ ក្នុងនោះមានដុចជាអត្តពលកម្ម ហែលទឹក វាយសី វាយកូនឃ្លីលើតុ ក្រុមបាល់ទះអង្គុយបុរស និងក្រុមបាល់បោះជិះរទេះនារី។ សម្រាប់ប្រភេទកីឡាបាល់ទះអង្គុយបុរសកម្ពុជានឹងត្រូវប្រកួតវគ្គជម្រុះ ក្នុងពូល B ជាមួយក្រុមកាហ្សាក់ស្ថាន ថៃ និងអ៊ីរ៉ង់ ដោយក្រុមកម្ពុជាត្រូវប្រកួតបើកឆាកជាមួយកាហ្សាក់ស្ថាន នៅវេលាម៉ោង ១៩:00 នាទីថ្ងៃទី២៣ ខែតុលា ឆ្នាំ២០២៣នេះ ហើយនៅថ្ងៃ២៤តុលា បន្តប៉ះជាមួយក្រុមថៃ និងនៅថ្ងៃទី២៥ ក្រុមកម្ពុជា ត្រូវជួបក្រុមអ៊ីរ៉ង់។

ចំពោះប្រភេទកីឡាបាល់បោះជិះរទេះនារីកម្ពុជាបានឆ្លងកាត់៣ប្រកួតរួចហើយ ក្នុងនោះបានយកឈ្នះ១ប្រកួត និងចាញ់២ប្រកួត ដោយក្រុមនារីកម្ពុជាបានឈ្នះក្រុមនារីឡាវ ក្នុងលទ្ធផលពិន្ទុ ៥៣ទល់៣៥, ចាញ់ក្រុមជប៉ុន ក្នុងលទ្ធផលពិន្ទុ ១៨-៨៨ និងចាញ់ម្ចាស់ផ្ទះ ចិន ក្នុងលទ្ធផល ៨៨ទល់២៨។

គួរបញ្ជាក់ថា ម្ចាស់ផ្ទះចិនបានរៀបចំកីឡាអាស៊ីប៉ារ៉ាហ្គេម លើកទី៤ ឆ្នាំ២០២៣នេះ មានចំនួន២២ប្រភេទកីឡា ស្មើនឹង ៥៦៦វិញ្ញាសា ដែលដាក់ឲ្យបណ្តាប្រទេសក្នុងទ្វីបអាស៊ីចូលរួមប្រកួតប្រជែងមេដាយ៕ ដោយ ហេង ណាលីន, ផ្សាយដោយ៖ dara

(សូមអានបន្ត)

សម្តេចធិបតី ហ៊ុន ម៉ាណែត៖ ២៣ តុលា ១៩៩១ - ២៣ តុលា ២០២៣ មហារដ្ឋបុរសមួយអង្គ និងមួយរូប ពួនជ្រំ និងដឹកនាំកម្ពុជា ដោយកិច្ចចរចាសន្តិវិធី ក្នុងការបង្រួមបង្រួម និងផ្សះផ្សាជាតិពីការបែកបាក់ពហុភាគី មកជាធ្លុងមួយក្នុងស្មារតី “ខ្មែរតែមួយ បុព្វហេតុតែមួយ”

ភ្នំពេញ :ថ្ងៃទី២៣ ខែតុលា ឆ្នាំ២០២៣  នាព្រឹកថ្ងៃទី២៣ ខែតុលា ឆ្នាំ២០២៣នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈបណ្តាញសង្គមតេលេក្រាម បានគូសបញ្ជាកថា «២៣ តុលា ១៩៩១ - ២៣ តុលា ២០២៣ មហារដ្ឋបុរសមួយអង្គ និងមួយរូប បានពួនជ្រំ និងដឹកនាំកម្ពុជា ដោយ កិច្ចចរចាសន្តិវិធី ក្នុងការបង្រួមបង្រួម និងផ្សះផ្សាជាតិពីការបែកបាក់ពហុភាគី មកជាធ្លុងមួយក្នុងស្មារតី “ខ្មែរតែមួយ បុព្វហេតុតែមួយ” ដែលនេះជាកាលានុវត្តភាព និងជាមូលដ្ឋានគ្រឹះដ៏សំខាន់សម្រាប់ការស្តារ និងអភិវឌ្ឍជាតិឱ្យរីកចម្រើនគ្រប់វិស័យ»។

សម្តេចធិបតី នាយករដ្ឋមន្ត្រី បានបន្ថែមថា សន្តិភាព គឺជាមូលដ្ឋានគ្រឹះនៃសិទ្ធិសេរីភាពរបស់មនុស្សជាតិ និងសង្គម។

សូមបញ្ជាក់ជូនថា ថ្ងៃទី២៣ ខែតុលា ឆ្នាំ២០២៣នេះ គឺខួបទី ៣២ នៃកិច្ចព្រមព្រៀងសន្តិភាពទីក្រុងប៉ារីស។

តាមរយៈបណ្តាញទំនាក់ទំនងសង្គមតេលេក្រាម សម្តចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ បានរម្លឹកថា ថ្ងៃទី២៣ ខែតុលា ឆ្នាំ២០២៣នេះ គឺជាខួប ៣២ឆ្នាំ (២៣ តុលា ១៩៩១-២៣ តុលា ២០២៣) នៃកិច្ចព្រមព្រៀងសន្តិភាព ទីក្រុងប៉ារីស។ ៣២ឆ្នាំមុន ពោលគឺនៅថ្ងៃទី២៣ ខែតុលា ឆ្នាំ១៩៩១ ភាគីទាំង៤ របស់កម្ពុជារួមមាន សម្តេចតេជោ ហ៊ុន សែន តំណាងឱ្យរដ្ឋាភិបាលកម្ពុជា ចលនាតស៊ូហ៊្វុនស៊ិនប៉ិច ដែលតំណាងដោយសម្តេចព្រះ នរោត្តម សីហនុ និងសម្តេចក្រុមព្រះ នរោត្តម រណប្ញទ្ឋិ រណសិរ្សជាតិរំដោះប្រជាពលរដ្ឋខ្មែរ ដែលតំណាងដោយ លោក សឺន សាន និង ក្រុមចលនាកម្ពុជាប្រជាធិបតេយ្យ (ប៉ុលពត) តំណាងដោយ លោក ខៀវ សំផន បានឈានទៅចុះហត្ថលេខា លើកិច្ចព្រមព្រៀងសន្តិភាព នៅទីក្រុងប៉ារីស ប្រទេសបារាំង ក្រោមវត្តមានសាក្សីមកពី១៨ប្រទេស រួមទាំងអគ្គលេខាធិការអង្គការសហប្រជាជាតិ (UN) ផងដែរ ដើម្បីបញ្ចប់សង្រ្គាមស៊ីវិលនៅកម្ពុជា។

សម្តេចតេជោ ហ៊ុន សែន បានបន្តថា មុននឹងឈានមកដល់កិច្ចព្រមព្រៀងនាទីក្រុងប៉ារីស ២៣ តុលា គឺសម្តេចផ្ទាល់ បានជួបពិភាក្សាដំបូងបំផុតជាមួយ អតីតព្រះមហាក្សត្រខ្មែរ សម្តេចព្រះ នរោត្តម សីហនុ នៅថ្ងៃទី០២ ខែធ្នូ ឆ្នាំ១៩៨៧ នៅ FERE-EN-TARDENOIS នៅប្រទេសបារាំង ដែលការចរចានេះ មានសេចក្តីប្រកាសរួមឡាយព្រះហស្តលេខាដោយ សម្តេចព្រះ នរោត្តម សីហនុ និង សម្តេចតេជោ ហ៊ុន សែន ដែលហៅថា (ជំនួបចរចា សីហនុ-ហ៊ុន សែន នៅ FERE-EN-TARDENOIS ថ្ងៃទី០២-០៤ ខែធ្នូ ឆ្នាំ១៩៨៧)។ បន្ទាប់មកក៏មានកិច្ចចរចាបន្តរវាង សីហនុ-ហ៊ុន សែន លើកទី ២ ប្រព្រឹត្តឡើងនៅថ្ងៃទី២០-២១ ខែមករា ឆ្នាំ១៩៨៨ នៅ SAINT-GERMAIN-EN-LAYE ប្រទេសបារាំង និងនៅទីកន្លែងផ្សេងៗមួយចំនួនទៀត។

ប្រភពដដែល បានប្ថែមទៀតថា ទោះបីមានកិច្ចព្រមព្រៀងសន្តិភាពប៉ារីស ២៣ តុលា ១៩៩១ ក៏ពិតមែន ប៉ុន្តែសង្រ្គាមស៊ីវិលនៅកម្ពុជា នៅបន្តដែលបង្កដោយភាគីកម្ពុជាប្រជាធិបតេយ្យ (ប៉ុលពត)។ ក្រោមនយោបាយ ឈ្នះ-ឈ្នះ របស់សម្តេច តេជោ ហ៊ុន សែន គឺបានបញ្ចប់សង្រ្គាមស៊ីវិលទាំងស្រុង នៅឆ្នាំ១៩៩៨ ដែលកម្ពុជាទូទាំងប្រទេស បានស្គាល់នូវសន្តិភាពពេញលេញ និងសម្បូរសប្បាយរហូតមកដល់សព្វថ្ងៃ៕ ផ្សាយ៖ dara

(សូមអានបន្ត)

រដ្ឋមន្ត្រី ប៉េង ពោធិ៍នា ដឹកនាំកិច្ចប្រជុំពិនិត្យនិងអនុម័តលើបញ្ជីប៉ាន់តម្លៃ និងការរៀបចំលិខិតស្នើសុំថវិកាសម្រាប់គម្រោងផែនការឆ្នាំ ក្នុងការងារថែទាំ ជួសជុល សាងសង់ផ្លូវថ្នល់-ស្ពាន និងសំណង់សាធារណការ

រដ្ឋមន្ត្រី ប៉េង ពោធិ៍នា ដឹកនាំកិច្ចប្រជុំពិនិត្យនិងអនុម័តលើបញ្ជីប៉ាន់តម្លៃ និងការរៀបចំលិខិតស្នើសុំថវិកាសម្រាប់គម្រោងផែនការឆ្នាំ ក្នុងការងារថែទាំ ជួសជុល សាងសង់ផ្លូវថ្នល់-ស្ពាន និងសំណង់សាធារណការ

(ភ្នំពេញ)៖​ នារសៀលថ្ងៃសុក្រ ទី២០ ខែតុលា ឆ្នាំ២០២៣ នៅទីស្តីការក្រសួង លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំកិច្ចប្រជុំផ្សព្វផ្សាយគោលការណ៍ណែនាំ ស្តីពីការពិនិត្យនិងការអនុម័តលើបញ្ជីប៉ាន់តម្លៃ និងការរៀបចំលិខិតស្នើសុំថវិកា សម្រាប់គម្រោងផែនការឆ្នាំ ក្នុងការងារថែទាំ ជួសជុល សាងសង់ ហេដ្ឋារចនាសម្ព័ន្ធផ្លូវថ្នល់-ស្ពាន និងសំណង់សាធារណការ ដោយប្រើប្រាស់ថវិកាជាតិ ជំពូក២១ និងជំពូក២១។

គោលការណ៍ណែនាំខាងលើត្រូវបានរៀបចំតាក់តែង ដើម្បីធ្វើឱ្យប្រសើរឡើង នូវការតាមដានរំហូរការពិនិត្យ និងអនុម័តលើបញ្ជីប៉ាន់តម្លៃ សំដៅកាត់បន្ថយពេលវេលានៃដំណើរការរដ្ឋបាល ព្រមទាំងបង្កើនប្រសិទ្ធភាព និងសង្គតិភាពការងារ។ កិច្ចប្រជុំនេះមានការចូលរួមផងដែរពីសំណាក់ លោក​លោកស្រី​ ថ្នាក់ដឹកនាំ និងមន្ត្រីពាក់ព័ន្ធផ្សេងទៀត៕

(សូមអានបន្ត)