សម្តេចតេជោ ហ៊ុន សែន ផ្ញើសារពិសេសជូនរដ្ឋមន្រ្តីក្រសួងអប់រំ និងអភិបាលរាជធានី-ខេត្ត ពាក់ព័ន្ធការបើកសាលារៀនឡើងវិញ នៅតាមតំបន់ដែលគ្មានការឆ្លង និងមានការឆ្លងតិចនៃជំងឺកូវីដ១៩

 (ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី៣១ ខែសីហា ឆ្នាំ២០២១នេះ បានណែនាំដល់រដ្ឋមន្រ្តីក្រសួងអប់រំ យុវជន និងកីឡា ឱ្យពិភាក្សាជាមួយ អភិបាលរាជធានីខេត្តទាំងអស់ ដើម្បីបើកសាលារៀនឡើងវិញ នៅទីតាំងដែលគ្មានការឆ្លងរីករាលដាលជំងឺកូវីដ១៩ នៅតាមទីជនបទ ក្នុងប្រទេសកម្ពុជា។

នេះបើតាមសារសម្លេងរបស់សម្តេចតេជោ ដែលបណ្តាញព័ត៌មាន ទទួលបានផ្លូវការនាព្រឹកថ្ងៃទី៣១ ខែសីហា ឆ្នាំ២០២១។

ការណែនាំនេះ បានធ្វើឡើងបន្ទាប់ពី សម្តេចតេជោ ហ៊ុន សែន សង្កេតឃើញថា កន្លងមកជំងឺកូវីដ១៩ បានរីករាលដាលភាគច្រើននៅតាមទីក្រុង និងទីប្រជុំជន ឯតាមជនបទខេត្តខ្លះស្ទើរតែមិនមានករណីឆ្លងទៀតផង ប៉ុន្តែសាលារៀនទាំងនោះត្រូវបានបិទ ដែលនាំឱ្យប៉ះពាល់ដល់ការសិក្សារបស់ពួកគេ។

«ដូច្នេះខ្ញុំស្នើឱ្យឯកឧត្តម ហង់ ជួនណារុន រដ្ឋមន្រ្តីក្រសួងអប់រំ យុវជន និងកីឡា ធ្វើការពិភាក្សាជាមួយអភិបាលខេត្តរាជធានី ដើម្បីបកំណត់បើកទីតាំងសាលារៀនមួយចំនួនដែលមិនមានជំងឺឆ្លងកើតឡើង»។នេះបើតាមការបញ្ជាក់របស់សម្តេចតេជោ។

សម្តេចបានថ្លែងថា ពេលនេះប្រទេសកម្ពុជា បាន និងកំពុងចាក់វ៉ាក់សាំងដល់កុមារ និងយុវវ័យ ពីអាយុ១២ឆ្នាំដល់ក្រោម១៨ឆ្នាំ ដែលពេលនេះការចាក់ជូនកុមា និងយុវវ័យនេះ បានចំនួន១.៥លាននាក់រួចទៅហើយ ក្នុងចំណោម២លាននាក់ដែលគ្រោងទុក។

សម្តេចតេជោ បានបញ្ជាក់បន្ថែមថា ការបើកសាលានេះ មិនត្រូវធ្វើឡើងនៅទូទាំងស្រុកនោះទេ ត្រូវធ្វើនៅតាមឃុំ ដែលគ្មានជំងឺឆ្លង ដោយរក្សានូវវិធានការសុខាភិបាលចាំបាច់នានា ដើម្បីឲ្យកុមាររបស់យើងបានចូលរៀន។ សម្តេចបានបន្ថែមថា ប្រសិនបើយើងបន្តបិទតទៅទៀត ដោយមិនបានពិនិត្យ មិនបានញែក រវាងកន្លែងដែលឆ្លង និងកន្លែងដែលមិនឆ្លង នឹងអាចនាំទៅដល់សិស្សខ្លាចសាលារៀន ឬសិស្សភ្លេចអក្ស។ សម្តេចបានយល់ឃើញថា សម្រាប់ការរៀនតាមអនឡាញវិញ គឺសិស្សនៅតាមជនបទ មិនមានលទ្ធភាពរៀនតាមអនឡាញនោះទេ។

«សម្រាប់ទីកន្លែងប្រជុំជនដែលមានការឆ្លង ឬមានការឆ្លងតិច យើងអាចអនុញ្ញាតពិនិត្យឱ្យអាចរៀនបន្តតាមអនឡាញ ឬរៀនទៅតាមស្ថានភាព គួបផ្សំ រវាងការរៀនដោយផ្ទាល់ដោយរក្សានូវគម្លាតសុវត្ថិភាព និងការរៀនតាមបែបចម្រុះ»។ នេះបើតាមការបញ្ជាក់បន្ថេមរបស់សម្តេតេជោ។

សម្តេចបានយល់ឃើញថា នៅតាមទីក្រុង និងទីប្រជុំជន សិស្សានុសិស្សមានលទ្ធភាពគ្រប់គ្រាន់នៅតាមអនឡាញ ហើយនៅពេលដែលកុមារ និងយុវវ័យរបស់យើងបានចាក់វ៉ាក់សាំងរួចហើយនោះ យើងនឹងអាចបើកសាលារបស់យើងឡើងវិញ ដោយរក្សានូវគម្លាតសុវត្ថិភាព និងវិធានការសុខាភិបាល។ ដោយឡែកសម្រាប់កន្លែងដែលមានការឆ្លងច្រើន ក៏ត្រូវបន្តរៀនតាមអនឡាញ ឬរៀនពីចម្ងាយ។ សម្តេចបានស្នើឱ្យរកគ្រប់វិធានការ ដើម្បីឱ្យសិស្សបានរៀន ដោយបើកសាលារៀនដោយផ្ទាល់ ដោយសំដៅឆ្ពោះទៅទីជនបទ ដែលមិនមានជំងឺឆ្លង និងរៀនលក្ខណៈចម្រុះ នៅតំបន់ដែលមានការឆ្លងតិច ហើយមានវ៉ាក់សាំង។

សម្តេចតេជោ ហ៊ុន សែន បានបញ្ជាក់ថា សម្រាប់សិស្សអាយុក្រោម១២ឆ្នាំ ដែលមិនបានចាក់វ៉ាក់សាំងក៏អាចចូលរៀនបានដែរ នៅសាលាដែលគ្មានការឆ្លង។ សម្តេចបានស្នើឱ្យមានការគិតគូរតាមរបៀបបត់បែន ហើយអនុវត្តតាមការជាក់ស្តែងនៅតាមខេត្តនីមួយៗ។ កន្លែងណាមានលទ្ធភាពបើក គឺបើក កន្លែងណាដែលមិនមានលទ្ធភាពបើកគឺឱ្យរៀនពីចម្ងាយ ហើយកន្លែងណាដែលអាចរៀនបែបចម្រុះ ក៏ត្រូវរៀនចម្រុះទាំងផ្ទាល់ និងអនឡាញ។

សម្តេចបានបញ្ជាក់បន្ថេមថា សម្រាប់រាជធានីភ្នំពេញ ការឆ្លងមានចំនួនធ្លាក់ចុះ ហើយអ្នកដែលបានឆ្លង ក៏មិននាំទៅដល់ជំងឺធ្ងន់ធ្ងរនោះទេ អត្រាស្លាប់ក៏មានការថយចុះ ដូច្នេះចំណុចនេះគឺជាចំណុចវិជ្ជមានមួយដល់ការបើកដំណើរការសង្គម សេដ្ឋកិច្ច នៅទូទាំងប្រទេស ហើយក្នុងនោះក៏មានវិស័យអប់រំរបស់យើងផងដែរ «ដូច្នេះហើយ ខ្ញុំស្នើឯកឧត្តម រដ្ឋមន្រ្តីក្រសួងអប់រំ យុវជន និងកីឡា ដឹកនាំការពិភាក្សាដើម្បីបើកសាលារៀនឡើងវិញ»។ សម្តេចបានបញ្ជាក់ថា បន្ទាប់ពីពិក្សារួច ត្រូវធ្វើដំណើរមកកាន់សម្តេច ដើម្បីធ្វើសេចក្តីសម្រេចជាផ្លូវការផងដែរ៕

(សូមអានបន្ត)

សាខាកាកបាទក្រហមកម្ពុជាខេត្តកំពត ចុះសួរសុខទុក្ខ និងនាំយកអំណោយចែកជូនដល់​ប្រជាពលរដ្ឋ​ងាយរងគ្រោះចំនួន ១១២គ្រួសារ

 កំពត: ថ្ងៃទី៣១ ខែសីហា ឆ្នាំ២០២១ ឯកឧត្តម ជាវ តាយ អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកំពត អញ្ជើញចុះសួរសុខទុក្ខ និងនាំយកអំណោយដ៏ថ្លៃថ្លារបស់សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ចែកជូនដល់​ប្រជាពលរដ្ឋងាយរងគ្រោះ និងរងផលប៉ះពាល់ដោយសារជំងឺកូវីដ-១៩ ចំនួន ១១២គ្រួសារ ដែលមកពីឃុំចំនួន១០ នៅក្នុងស្រុកដងទង់ ខេត្តកំពត នៅថ្ងៃទី៣០ ខែសីហា ឆ្នាំ២០២១។

រូបថត៖ AKP-កំពត

(សូមអានបន្ត)

លោកជំទាវ មិថុនា ភូថង អញ្ជើញទទួលមៀនប៉ៃលិនចំនួន ០៥តោន ដែលជាអំណោយ ដ៏ថ្លៃថ្លារបស់សម្តេចតេជោ

 កោះកុង :ថ្ងៃទី៣១ ខែសីហា ឆ្នាំ២០២១ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង អញ្ជើញទទួលផ្លែមៀនប៉ៃលិន ឬផ្លែតាង៉ែន ចំនួន ០៥តោន ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជូនដល់រដ្ឋបាលខេត្ត ដើម្បីបែងចែកបន្ត ដល់គ្រប់មន្ទីរ អង្គភាព ពិសេសគឺក្រុមការងារគ្រូពេទ្យស្ម័គចិត្តដែលកំពុងបំពេញភារកិច្ចក្នុងយុទ្ធនាការប្រឆាំង និងទប់ស្កាត់ជំងឺកូវីដ-១៩ តាមគោលដៅនានាក្នុងទូទាំងខេត្តកោះកុង នារសៀលថ្ងៃទី៣០ ខែសីហា ឆ្នាំ២០២១។

រូបថត៖ AKP-កោះកុង

(សូមអានបន្ត)

#សមាគមសេរីភាពអ្នកសារព័ត៌មានកម្ពុជាបង្ហាញនូវកង្វល់ពីការកេីនឡេីងចំពោះបណ្តឹងព្រហ្មទណ្ឌទៅលេីអ្នកកាសែត!

 

ភ្នំពេញ: ថ្នាក់ដឹកនាំសមាគមសេរីភាព អ្នកសារព័ត៌មានកម្ពុជា កំពុងឆ្លងមតិយោប់ល់គ្នាតាមតេឡេហ្គ្រាមដោយបង្ហាញពីក្តី

កង្វល់ចំពោះការកេីនឡេីងនូវបណ្តឹងព្រហ្មទ័ណ្ឌទៅលេីអ្នកសារព័ត៌មាន ដោយមិនបានយកច្បាប់សារព័ត៌មានមកប្រេីឡេីយ។

លទ្ធផលនែការឆ្លងមតិយោបល់នេះនឹងធេី្វជាព័ត៌មានលម្អិត

ដោយខ្ញុំបាទហង្ស ចក្រា ចាងហ្វាងការផ្សាយសារព័ត៌មានខ្មែរម្ចាស់ស្រុក សំុការអនុញ្ញាតពីឯកឧត្តមយ៉ែម ណយ ប្រធាន

នាយកដ្ឋានមណ្ឌលព័ត៌មាន និងជាទីប្រឹក្សាក្រសួងព័ត៌មាន

ដេីម្បីសម្ភាសន៍ជុំវិញបព្ហាានេះថែមទៀតផង។

យេីងសង្ឃឹមថា អី្វនឹងល្អប្រសេីរុឡេីងវិញជាមិនខាន សម្រាប់់

ស្ថាប័នយុត្តិធម៌ និងអ្នកសារព័ត៌មានកម្ពុជា។

អរគុណលោកទេស វិបុល ប្រធានសមាគមសេរីភាពអ្នកសារ

ព័ត៌មានកម្ពុជាដែលបានគាំទ្រគំនិតនេះជាអាទិភាពសម្រាប់

អ្នកសារព័ត៌មានយកទៅពិចារណា៕ហង្ស ចក្រា

(សូមអានបន្ត)

អភិបាលខេត្តសៀមរាប ចុះពិនិត្យស្ថានភាពទីតាំងកំពង់ផែក្រុមហ៊ុន ស៊ូ ជីង បន្ទាប់ពីរាជរដ្ឋាភិបាលដកហូត ហើយប្រគល់មកឱ្យរដ្ឋបាលខេត្ត និងគ្រឹះស្ថានអង្គរគ្រប់គ្រងជាបណ្តោះអាសន្នវិញនោះ !

 

សៀមរាប៖ កាលពីព្រឹកថ្ងៃទី២៧ ខែសីហា ឆ្នាំ២០២១នេះ ឯកឧត្តម ទៀ សីហា អភិបាល នៃគណ:អភិបាលខេត្ត និងជាប្រធានគណ:បញ្ជាការឯកភាពរដ្ឋបាលខេត្តសៀមរាប បានដឹកនាំក្រុមការងារចម្រុះរបស់គណ:បញ្ជាការឯកភាពរដ្ឋបាលខេត្ត អមដំណើរដោយឯកឧត្ដម លោក លោកស្រី ជាអភិបាលរងខេត្ត , តំណាងអយ្យការអមសាលាដំបូងខេត្ត , អគ្គនាយកគ្រឹះស្ថានអង្គរ , ស្នងការនគរបាលខេត្ត , មេបញ្ជាការកងរាជអាវុធហត្ថខេត្ត , ថ្នាក់ដឹកនាំមន្ទីរអង្គភាពពាក់ព័ន្ធនានាក្នុងខេត្ត , អភិបាលក្រុងសៀមរាប មន្ត្រីអ្នកមុខអ្នកការក្នុងខេត្ត អាជ្ញាធរមូលដ្ឋាន និងសមាគមកាណូតទ្រទ្រង់ជីវភាពកំពង់ផែ ស៊ូ ជីង ចុះពិនិត្យមើលស្ថានភាពទីតាំងកំពង់ផែក្រុមហ៊ុន ស៊ូ ជីង ដែលស្ថិតនៅក្នុងសង្កាត់ចុងឃ្នៀស ក្រុងសៀមរាប ដើម្បីគ្រប់គ្រងបណ្ដោះអាសន្ន បន្ទាប់ពីរាជរដ្ឋាភិបាលបានសម្រេចដកហូត ហើយប្រគល់ឲ្យរដ្ឋបាលខេត្តសៀមរាប និងគ្រឹះស្ថានអង្គរជាអ្នកគ្រប់គ្រងជាបណ្តោះអាសន្នវិញនោះ។

ក្នុងឱកាស នៃការចុះពិនិត្យ និងអនុវត្តនេះ ក្រុមការងារចម្រុះ បានសម្រេចដកហូតទីតាំងទាំងមូល ដោយបានធ្វើការបិទ និងហ៊ុព័ទ្ធទីតាំងអគាររបស់ក្រុមហ៊ុនចំនួន ២អគារ គឺ៖ ១.ទីតាំងការិយាល័យបម្រើការងារបស់ក្រុមហ៊ុន និង២. ទីតាំងរោងយានដ្ឋានជួសជុលគ្រឿងចក្ររបស់ក្រុមហ៊ុន ព្រមទាំងមិនអនុញ្ញាតឱ្យមានការចេញ-ចូល ក្នុងបរិវេណទីតាំងដែលត្រូវបានហ៊ុព័ទ្ធ ពិសេសសន្តិសុខប្រចាំការរបស់ក្រុមហ៊ុនចំនួន ៦នាក់ ដែលនៅយាមទីតាំងវិនិយោគនេះ ក្រុមការងារចម្រុះបានណែនាំឱ្យធ្វើការចាកចេញពីទីតាំងវិនិយោគចាប់ពីថ្ងៃចុះអនុវត្តនេះតទៅ ព្រោះទីតាំងនេះត្រូវបានដកហូត និងគ្រប់គ្រងជាបណ្ដោះអាសន្នដោយរដ្ឋបាលខេត្ត និងគ្រឹះស្ថានអង្គរ ។

មានប្រសាសន៍ក្នុងឱកាសនោះដែរ ឯកឧត្តម ទៀ សីហា អភិបាលខេត្ត បានណែនាំដល់កម្លាំងគណ:បញ្ជាការឯកភាពរដ្ឋបាលខេត្ត និងក្រុមការងារខេត្តប្រចាំការនៅទីតាំងកំពង់ផែដែលបានដកហូតនេះ ត្រូវយកចិត្តទុកដាក់ និងពង្រឹងលើការរៀបចំសន្តិសុខ សុវត្ថិភាព សណ្ដាប់ធ្នាប់ របៀបរៀបរយទូទៅ និងដោះស្រាយបញ្ហានានា ដើម្បីសម្រួលដល់ដំណើរការជាប្រក្រតី ជូនប្រជាពលរដ្ឋ និងសមាគមកាណូតដឹកភ្ញៀវ ដែលកំពុងប្រកបរបរនៅក្នុងទីតាំងនោះ ឱ្យដំណើរការជាធម្មតារហូតដល់មានការសម្រេចសារជាថ្មី ពីគណ:កម្មការអន្តរក្រសួង។

ជាមួយគ្នានេះដែរ ឯកឧត្តមអភិបាលខេត្ត បានណែនាំដល់ក្រុមការងារចម្រុះ ត្រូវធ្វើការស្រង់នូវសារពើភណ្ឌទ្រព្យសម្បត្តិរបស់ក្រុមហ៊ុន រួមមានអគារ និងគ្រឿងចក្រចាស់ៗមួយចំនួន ដើម្បីធ្វើការដកហូត និងគ្រប់គ្រង់ជាណ្ដោះអាសន្ន ព្រមទាំងបានជំរុញឲ្យអង្គភាព មន្ទីរជំនាញពាក់ព័ន្ធធ្វើការពិនិត្យ និងរៀបចំបណ្តាញអគ្គិសនី និងប្រព័ន្ធទឹកស្អាតឡើងវិញ ដើម្បីភ្ជាប់បណ្តាញជូនប្រជាពលរដ្ឋ ដែលកំពុងរស់នៅ និងប្រកបមុខរបរ ទាំងនៅក្នុងទីតាំង និងនៅជុំវិញទីតាំងវិនិយោគរបស់ក្រុមហ៊ុន ស៊ូ ជីង បានប្រើប្រាស់ជាធម្មតា ។

សូមបញ្ជាក់ថា អនុវត្តតាមការណែនាំដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅថ្ងៃទី២៩ ខែកក្កដា ឆ្នាំ២០២១កន្លងទៅនេះ ទីស្តីការគណ:រដ្ឋមន្រ្តី បានសេចក្តីជូនដំណឹងមួយ លេខ ៖ ៣៩៦ សជណ.ហធ ដោយសម្រេចលុបចោលនូវគម្រោងអភិវឌ្ឍន៍កំពង់ផែទេសចរណ៍ចុងឃ្នៀស របស់ក្រុមហ៊ុន ស៊ូ ជីង និងដកហូតទីតាំងវិនិយោគទាំងស្រុងរបស់ក្រុមហ៊ុនមួយនេះ ប្រគល់ឲ្យរដ្ឋបាលខេត្តសៀមរាប និងគ្រឹះស្ថានអង្គរគ្រប់គ្រងជាបណ្ដោះអាសន្ន ហើយរាល់ទ្រព្យសម្បត្តិ និងហេដ្ឋារចនាសម្ព័ន្ធនានា នៅទីតាំងវិនិយោគត្រូវបានចាត់ទុកជាសម្បត្តិរដ្ឋ។

កាលពីព្រឹកថ្ងៃទី២៣ ខែសីហា ឆ្នាំ២០២១កន្លងទៅនេះ លោក លី សំរិទ្ធ និងលោក ង៉ាន់ ភិរុណ អភិបាលរងខេត្តសៀមរាប បានដឹកនាំកិច្ចប្រជុំមួយរបស់គណ:កម្មការចម្រុះខេត្តសៀមរាប ក្នុងគោលបំណងរៀបចំបង្កើតយន្តការថ្មីមួយ ដើម្បីគ្រប់គ្រងបណ្តោះអាសន្ន កំពង់ផែបឹងទន្លេសាបចុងឃ្នៀស ហើយយន្តការថ្មីមួយត្រូវបានកិច្ចប្រជុំនេះពិភាក្សាបង្កើតឡើង ដើម្បីប្រសិទ្ធភាព នៃការគ្រប់គ្រងឲ្យបានល្អប្រសើរ និងផ្តោតការយកចិត្ត ឆ្ពោះទៅរកការតម្កល់ទុកផលប្រយោជន៍ជូនប្រជាសហគមន៍ បានអាស្រ័យផលពីកិច្ចដំណើរការគ្រប់គ្រងកំពង់ផែមួយនេះ ដែលត្រូវបានចាកចេញពីការធ្វើអាជីវកម្មវិនិយោគដោយវិស័យឯកជន និងត្រូវបានស្ថិតក្រោមការគ្រប់គ្រងរបស់រដ្ឋវិញ ។

យន្តការគ្រប់គ្រងបណ្តោះអាសន្នកំពង់ផែចុងឃ្នៀសនេះ គឺ គ្រប់គ្រងការងារសន្តិសុខ សណ្តាប់ធ្នាប់សាធារណ: ការងារគ្រប់គ្រងអនាម័យបរិស្ថាន ការគ្រប់គ្រងបញ្ជីសារពើភ័ណ្ឌ និងអតីតបុគ្គលិកក្រុមហ៊ុន ការផ្គត់ផ្គង់អគ្គីសនី និងទឹក គ្រោងការចំណាយផ្សេងៗ និងការបង្កើតលេខាធិកាដ្ឋាន ដើម្បីជាសេនាធិការរបស់គណ:កម្មការចម្រុះ ដែលមានឯកឧត្ដមអភិបាលខេត្តជាប្រធាន៕ ដោយ៖ មន្ទីរព័ត៌មានខេត្តសៀមរាប

(សូមអានបន្ត)

ឯកឧត្តម ខៀវ កាញារីទ្ធ លើកឡើងថា វត្តមានកាសែតចិនរួមចំណែកធ្វើឱ្យអ្នកវិយោគទុនចិន យល់ច្បាស់ពីកម្ពុជា

 

ភ្នំពេញ៖ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានថ្លែងថា វត្តមានកាសែតចិននៅកម្ពុជា បានរួម ចំណែកធ្វើឱ្យអ្នកវិយោគទុនចិន បានយល់ច្បាស់ពីទស្សនវិស័យកម្ពុជា ដោយសារថា កន្លងមកនេះមានមួយ ចំនួនធំ បានទទួលដំណឹងទាក់ទងប្រទេសកម្ពុជា តែពីសារព័ត៌មានរបស់លោកខាងលិច ដែលនិយាយផ្អៀងទៅផលប្រយោជន៍របស់ពួកគេ ។ 

 ឯកឧត្តម ខៀវ កាញារីទ្ធ ថ្លែងបែបនេះនៅក្នុងឱកាសទទួលជួបថ្នាក់ដឹកនាំនិងសហការី សារព័ត៌មាន អាស៊ី-ប៉ាស៊ីហ្វិក ថែមស៍ (Asia Pacific Times) ដែលដឹកនាំដោយ លោក LI TAO អគ្គនាយកក្រុមហ៊ុន East Alliance International Culture Media ប្រទេសចិន កាលពីថ្ងៃទី២៧ ខែសីហា ឆ្នាំ២០២១។ ឯកឧត្តម ខៀវ កាញារីទ្ធ បានមាន ប្រសាសន៍ថា នៅកម្ពុជាមានសារព័ត៌មានចិនចំនួន៦ កំពុងដំណើរការផ្សាយ ហើយក្រសួងព័ត៌មានចង់ឱ្យមានសារព័ត៌មានចិនច្រើនអង្គភាពទៀត មកបើកបន្ថែម ព្រោះថានៅពេលខាងមុខនេះ នៅពេលតំបន់សេដ្ឋកិច្ចថ្មីៗ បើកដំណើរការ នឹងមានអ្នកវិនិយោគទុនចិនមកកម្ពុជាកាន់ តែច្រើន។ ដូច្នេះនៅពេលមានសារព័ត៌ មានចិនច្រើន នឹងជួយផ្សព្វផ្សាយបានកាន់តែទូលំទូលាយ ពីច្បាប់គោលនយោ បាយ ផែនការនានាទាក់ទងដំណើរការវិនិយោគ រកស៊ី នៅក្នុងប្រទេសកម្ពុជា ។ 

 ឯកឧត្តម រដ្ឋមន្រ្តី បានរំលឹកឡើងវិញថា រយៈពេលជិត២០ឆ្នាំមកនេះ គឺមានវត្តមានកាសែតចិននៅកម្ពុជា ដែលបានរួមចំណែកធ្វើឱ្យអ្នកវិយោគទុនចិន បានយល់ច្បាស់ពីទស្សនវិស័យកម្ពុជា ដោយ សារថាកន្លងមកនេះ មានមួយចំនួនធំ បានទទួលដំណឹងទាក់ទងប្រទេសកម្ពុជា តែពីសារព័ត៌មានលោកខាងលិច ដែលនិយាយផ្អៀងទៅផលប្រយោជន៍លោក ខាងលិចច្រើនជាង ផលប្រយោជន៍អាស៊ី ។ ឯកឧត្តម បានបញ្ជាក់ពីចំនុចខ្លាំងរបស់សារព័ត៌មានភាសាចិននៅកម្ពុជា គឺបានគោរពវិជ្ជាជីវ:សារព័ត៌មាន ល្អប្រសើរ ហើយការផ្សាយព័ត៌មាន គ្មានការបំភ្លៃនោះទេ និយាយជារួម គឺបានផ្សាយពីការពិតនៅកម្ពុជា ។

 តាមរយៈនេះ ក្រសួង ព័ត៌មានកម្ពុជាចង់បានអត្ថបទ ដែលមានភាពស៊ីជម្រៅបន្ថែមទៀត ទាក់ទងពីប្រពៃណី ជំនឿជនជាតិចិន និងការវិវឌ្ឍថ្មីផ្នែកនយោបាយ សេដ្ឋកិច្ច ច្បាប់ នៅក្នុងប្រទេសចិន ដើម្បីបានដឹងឱ្យមានការយល់គ្នាច្បាស់ទៅវិញទៅមក។ ឆ្លៀតក្នុងឱកាសនោះ លោក LI TAO បានសម្តែងនូវការអរគុណចំពោះក្រសួង ព័ត៌មានកម្ពុជា ដែលបានអនុញ្ញាតឱ្យគេហទំព័រព័ត៌មានភាសាចិន អាស៊ី-ប៉ាស៊ី ហ្វិក ថែមស៍ AP Time បានដំណើរការផ្សាយនៅកម្ពុជា ដែលផ្តោតសំខាន់លើដំណឹង ស្តីពី គោលនយោបាយ សេដ្ឋកិច្ច ពាណិជ្ជកម្ម ការវិនិយោគនានារបស់ប្រទេសចិននៅកម្ពុជា ។ ជាមួយនេះ សារព័ត៌មាន AP Time នឹងជួយផ្សព្វ ផ្សាយពីភាពរីកចម្រើនរបស់ប្រទេសកម្ពុជា ទៅកាន់ពិភពលោកបានដឹងច្បាស់បន្ថែមទៀត និងជួយទាក់ទាញភ្ញៀវទេសចរ និងវិនិយោគិនចិន មកកម្ពុជាឱ្យបានច្រើនបន្ថែមទៀត៕

  វិទ្យុជាតិកម្ពុជា៖ លោកស្រី ប៉ុង សុភាវី

(សូមអានបន្ត)

កែសម្រួល ដើម្បី​ជំរុញ​ដំណើរ​ការចាក់​វ៉ាក់សាំង​បង្ការ​ជំងឺ​កូ​វីដ​

 

ភ្នំពេញ​: កាលពី​ថ្ងៃទី​២៦ ខែសីហា ឆ្នាំ​២០២១ សម្តេច​តេ​ជោ ហ៊ុន សែននាយករដ្ឋមន្ត្រីនៃ កម្ពុជា បានចេញ​បទបញ្ជា​ដាច់​ណាត់ ឱ្យ​កែសម្រួល​ជាបន្ទាន់ ជុំវិញ​យុទ្ធនា​ការចាក់​វ៉ាក់សាំង​ជូន​ប្រជាពលរដ្ឋ នៅ​កម្ពុជា​។ ពោលគឺ​តាម​សម្តេច​តេ​ជោ ហ៊ុន សែន មិនត្រូវ​ទុក​វ៉ាក់សាំង ក្នុង​ឃ្លាំង ខណៈដែល​កម្ពុជា​យើង សព្វថ្ងៃ មាន​វ៉ាក់សាំង​គ្រប់គ្រាន់ សម្រាប់​ចាក់​ជូន​ប្រជាពលរដ្ឋ​តាម​ផែនការ ១៣​លាន​នាក់​នោះទេ​។​

​បទបញ្ជា​ខាងលើនេះ ត្រូវបាន​ធ្វើឡើង ក្រោយ​សម្តេច​តេ​ជោ ហ៊ុន សែន រកឃើញថា មួយរយៈ​ពេល​ចុង​ក្រោយនេះ ដំណើរការ​នៃ​ការចាក់​វ៉ាក់សាំង​បង្ការ​កូ​វីដ​-១៩ នៅ​ខេត្ត​ជាច្រើន ហាក់ដូចជា​យឺតយ៉ាវ​ខ្លាំង ខណៈ​វ៉ាក់សាំងមាននៅ​ក្នុង​ឃ្លាំង​គ្រប់គ្រាន់​។​

​ក្នុង​សារ​សំឡេង មាន​រយៈពេល​ជាង ១៨​នាទី សម្តេច​តេ​ជោ ហ៊ុន សែន បាន​កត់សម្គាល់ថា មកដល់​ថ្ងៃនេះ មាន​ខេត្ត​មួយចំនួន ចាក់​វ៉ាក់សាំង បាន​តិច ដូចជា ខេត្តកំពង់ឆ្នាំង ត្បូងឃ្មុំ និង​ខេត្តពោធិ៍សាត់ ហើយ​ខេត្ត​ទាំងបីឡើងមក​យក​វ៉ាក់សាំងទាំងយប់ នៅ​ភ្នំពេញ​។ ក្នុងនោះ ខេត្តរតនៈគិរី ចាក់​វ៉ាក់សាំង បាន​ច្រើនជាង​ផែនការ​គ្រោងទុក ដែល​ត្រូវតែ​យក​ធ្វើជា​គំរូ​។

​សម្តេច​តេ​ជោ បានដាក់​ចេញ​នូវ​បទបញ្ជា ឱ្យ​អភិបាលខេត្ត​រាជធានី​ទាំងអស់ ត្រូវ​ចាត់ទុក​កិច្ចការ​ប្រឆាំង​កូ​វីដ​១៩ ជា​កិច្ចការ​អាទិភាព​ទី​១ គឺ​ត្រូវ​ទទួលខុសត្រូវ ចំពោះមុខ​រាជរដ្ឋាភិបាល លើ​បញ្ហា​ការចាក់​វ៉ាក់សាំង ដែលជា​គោលនយោបាយ​អាទិភាព​ធំ​បំផុត​របស់​យើង នៅពេលនេះ​។​

​សម្តេច ហ៊ុន សែន ហាម​ដាច់ខាត មិន​ឱ្យមាន​វ៉ាក់សាំង ដេក​នៅក្នុង​ឃ្លាំង ក្នុងពេលដែល​ប្រជាជន ខ្វះ​វ៉ាក់សាំង​ចាក់​នោះទេ​។ ពេលនេះ វ៉ាក់សាំង មាន​គ្រប់គ្រាន់ ដែល​ត្រូវតែ​ជំរុញ​ឱ្យទៅដល់​គោលដៅ ហើយ​ក្រសួងការពារជាតិ និង​កងទ័ពអាកាស ត្រូវ​ប្រើ​ឧទ្ធម្ភាគចក្រ ដឹក​វ៉ាក់សាំង ទៅ​ខេត្ត​ឆ្ងាយៗ​។​

​សូម​រម្លឹកថា គិត​ត្រឹម​ថ្ងៃទី​២៣ ខែសីហា ឆ្នាំ​២០២១ កម្ពុជា​ទទួលបាន​វ៉ាក់សាំង​បង្ការ​ជំងឺ​កូ​វីដ​១៩ សរុប​ចំនួន ២៥ ០៩៥ ១០០​ដូ​ស ( វ៉ាក់សាំង​ចិន ស៊ី​ណូ​វ៉ា​ក់ និង​ស៊ី​ណូ​ហ្វា​ម ច្រើនជាងគេ រហូតដល់ ២២ ៣០០ ០០០​ដូ​ស ) រួមមាន​៖ ១-​វ៉ាក់សាំង​ចិន Sinovac និង Sinopharm សរុប ២២ ៣០០ ០០០​ដូ​ស ( ១៨ ៥០០ ០០០​ដូ​ស ជា​ការបញ្ជាទិញ និង ៣ ៨០០ ០០០​ដូ​ស ជា​ជំនួយ ) ហើយ Sinovac ចំនួន ១៤ ៥០០ ០០០​ដូ​ស និង Sinopharm ៧ ៨០០ ០០០​ដូ​ស​។ ២-AstraZeneca ជា​ជំនួយ​របស់​អង្គការ​សុខភាព​ពិភពលោក ដែល​ផលិត​នៅ​ឥណ្ឌា ៣២០ ០០០​ដូ​ស​។ ៣-AstraZeneca ជា​ជំនួយ​របស់​ប្រទេស​ជប៉ុន ១ ០០០ ០០០​ដូ​ស​។ ៤-AstraZeneca ជា​ជំនួយ​របស់​អង់គ្លេស ៤១៥ ០០០​ដូ​ស​។ ៥-Johnson & Johnson ជា​ជំនួយ​របស់​អាមេរិក ១ ០៦០ ១០០​ដូ​ស​។​

​គិត​ត្រឹម​ថ្ងៃទី​២៥ ខែសីហា ឆ្នាំ​២០២១ នៅ​ទូទាំងប្រទេស ចាក់​វ៉ាក់សាំង បាន​ជាង ១០​លាន​នាក់​។ ក្នុងនោះ អាយុ ១៨​ឆ្នាំ​ឡើង ចាក់​វ៉ាក់សាំង​បាន​ជាង ៨​លាន ៨៣​ម៉ឺន​នាក់ និង​កុមារ​អាយុ​ចាប់ពី ១២​ឆ្នាំ ដល់​ក្រោម ១៨​ឆ្នាំ ចាក់​វ៉ាក់សាំង បាន​ជាង ១​លាន ២៣​ម៉ឺន​នាក់​។ តាម​ផែនការ អ្នក​អាយុ​ចាប់ពី ១៨​ឆ្នាំ​ឡើង ត្រូវ​ចាក់​វ៉ាក់សាំង មាន​ចំនួន ១០​លាន​នាក់​។ រី​កុមារ និង​យុវវ័យ អាយុ​ចាប់ពី ១២​ឆ្នាំ ដល់​ក្រោម ១៨​ឆ្នាំ ត្រូវ​ចាក់​វ៉ាក់សាំង នៅ​ទូទាំងប្រទេស​មាន​ចំនួន​ប្រមាណជិតពីរលាន​នាក់​។​

​រាជរដ្ឋាភិបាល បាន​លើកឡើងថា យុទ្ធនាការ​ជាតិ​ចាក់​វ៉ាក់សាំង​កូ​វីដ​១៩ ជុំ​ទី​១ នេះ ត្រូវបាន​រំពឹងថា នឹង​អាច​បញ្ចប់ នៅ​ចុងខែ​តុលា ឬ​ដើមខែ​វិច្ឆិកា ឆ្នាំ​២០២១ ខាងមុខ មុន​ផែនការ ដែល​បាន​គ្រោងទុក​។​

​រាជរដ្ឋាភិបាល ចាត់ទុក​គោលនយោបាយ​ចាក់​វ៉ាក់សាំង​កូ​វីដ​១៩ គឺជា​យុទ្ធសាស្ត្រ​គន្លឹះ​ដ៏​សំខាន់​មួយ និង​ជា​ខ្សែក្រវាត់​ការពារ​ទី​១ សំខាន់​ជាងគេ ដើម្បី​ការពារ​អាយុជីវិត​ប្រជាជន ក៏ដូចជា ដើម្បី​បង្កើត​ឲ្យ​បាន​នូវ​ភាពស៊ាំ​ក្នុង​សហគមន៍ ទប់​ទល់នឹង​មេរោគ​កូ​វីដ​១៩ សំដៅ​ឈាន​ឆ្ពោះទៅ​បើក​ដំណើរការ​ប្រទេសជាតិ​ពេញលេញ​ឡើងវិញ​លើ​គ្រប់​វិស័យ និង​ការរស់នៅ​ជាមួយនឹង​ជំងឺ​នេះ តាម​គន្លង​ប្រក្រតីភាព​ថ្មី​។​

​អ្នកជំនាញ លើកឡើងថា ការចាក់​វ៉ាក់សាំង​កូ​វីដ​១៩ បាន​ឆាប់រហ័ស និង​ទាន់ពេល បាន​ជួយសង្គ្រោះ​អាយុជីវិត​ប្រជាជន​កម្ពុជា​ជាច្រើន តាមរយៈ​ការកាត់បន្ថយ​ករណី​ឆ្លង ករណី​ធ្លាក់ខ្លួន​ឈឺធ្ងន់ធ្ងរ និង​ករណី​ស្លាប់​ដោយ​ជំងឺ​កូ​វីដ​១៩ និង​បាន​បញ្ចៀស​កម្ពុជា​ពី​គ្រោះមហន្តរាយ ដែល​បណ្តាលមកពី​ជំងឺ​កូ​វីដ​១៩ ព្រមទាំង​ធ្វើ​ឲ្យ​សភាពការណ៍​បច្ចុប្បន្ន​នៃ​ការឆ្លង​រាលដាល​នៃ​ជំងឺ​កូ​វីដ​១៩ ស្ថិតក្នុង​កម្រិត​មួយ ដែល​អាច​គ្រប់គ្រង​បាន​។​

​ប៉ុន្តែ​ការរកឃើញ​ជា​បន្តបន្ទាប់​ក្នុង​សហគមន៍​នៃ​មេរោគ​កូ​វីដ​១៩ បំប្លែង​ខ្លួន​ថ្មី ប្រភេទ ដែល​តា បាន​នាំមក​នូវ​បញ្ហា​ប្រ​ឈាម​ថ្មី​មួយទៀត សម្រាប់​កម្ពុជា ក្នុងការ​ប្រយុទ្ធ​នឹង​ជំងឺ​កូ​វីដ​១៩ ដោយសារ​មេរោគ​បំប្លែង​ថ្មី​នេះ មាន​សមត្ថភាព ចម្លង​បាន​លឿន​ជាង​មុន និង​មាន​កម្រិត​គ្រោះថ្នាក់​ធ្ងន់ធ្ងរ ព្រមទាំង​អាច​កាត់បន្ថយ​ប្រសិទ្ធភាព​នៃ​វ៉ាក់សាំង​បាន​។​

​កាលពី​ថ្ងៃទី​២៥ ខែសីហា ឆ្នាំ​២០២១ ក្រសួងសុខាភិបាល បានប្រកាស​ពី​ការរកឃើញ​អ្នក​ឆ្លង​កូ​វីដ​១៩ ប្រភេទ ដែល​តា ចំនួន ១៣២៥​នាក់ នៅ ២៣​រាជធានី​ខេត្ត លើកលែងតែ​ខេត្ត​កែប និង​ខេត្តក្រចេះ​។ ក្នុងនោះ ភ្នំពេញ មាន​អ្នក​ឆ្លង​ច្រើនជាងគេ រហូតដល់ ៣៧៥​នាក់​។​

​យ៉ាងណាក៏ដោយ មកដល់ពេលនេះ កូ​វីដ ក៏​នៅតែ​បន្ត​ឆ្លង​រាលដាល​រៀងរាល់ថ្ងៃ នៅ​ទូទាំងប្រទេស ចន្លោះ​ពី​ជាង​៤០០​នាក់ ក្នុង​មួយថ្ងៃៗ​។ ក្នុងនោះ កាលពី​ថ្ងៃទី​២៥ ខែសីហា មាន​អ្នក​ឆ្លង​ថ្មី ចំនួន ៤២៣​នាក់ ជាសះស្បើយ ២៩១​នាក់ និង​ស្លាប់ ៦​នាក់​។ គិត​ត្រឹម​ថ្ងៃទី​២៦ ខែសីហា នៅ​ទូទាំងប្រទេស មាន​អ្នក​ឆ្លង​កូ​វីដ​១៩ សរុប​ចំនួន ៩០៩៥៨​នាក់​។ ករណី​ជាសះស្បើយ សរុប​ចំនួន ៨៦៩៩៣​នាក់ និង​ករណី​ស្លាប់​សរុប កើនឡើង​ដល់ ១៨៤១​នាក់​។​

​ដូច្នេះ​នៅពេលនេះ នៅពេល​រាជរដ្ឋាភិបាល និង​អាជ្ញាធរ​រាជធានី​ខេត្ត ស្វះ​ស្វែងរក​វ៉ាក់សាំង សម្រាប់​ចាក់​ជូន​ប្រជាពលរដ្ឋ ដោយ​ឥតគិតថ្លៃ​ហើយ គឺ​ដល់​វេន​ត្រូវ​ចាក់ មិន​ថា ដូ​ស​ទី​១ ដូ​ស​ទី​២ ឬក៏​ដូ​ស​ទី​៣ ជា​ដូ​ស​ជំរុញ​នោះទេ គឺ​ម្នាក់ៗ ត្រូវតែ​ស្វះស្វែង ទៅ​ចាក់​វ៉ាក់សាំង ឲ្យ​បាន​គ្រប់ៗ គ្នា ចាប់ពី​អាយុ ១២​ឆ្នាំ​ឡើងទៅ​។

​មកដល់​ថ្ងៃទី​២៥​សីហា នៅសល់​អ្នក​ចាក់​វ៉ាក់សាំង​តែ​ជាង ២​លាន​នាក់​ទៀត​នោះទេ នឹង​សម្រេច​តាម​ផែនការ ១៣​លាន​នាក់ ដែល​រាជរដ្ឋាភិបាល​បានកំណត់​ក្នុង​យុទ្ធនា​ការចាក់​វ៉ាក់សាំង​បង្ការ​ជំងឺ​កូ​វីដ​១៩ នាពេលនេះ​។​

​ទន្ទឹមនឹង​ចាក់​វ៉ាក់សាំង ក៏​តោង​ឲ្យ​ម្នាក់ៗ ត្រូវតែ​បន្ត​អនុវត្ត​នូវ​វិធានការ​ការពារ​កុំ​ឲ្យ​ឆ្លង​កូ​វីដ ជាប់​ជានិច្ច ពិសេស ៣​កុំ និង ៣​ការពារ​។ រីឯ​អ្នក​នៅ​កន្លែង​ព​បិទ​ខ្ទប់ ក៏​ត្រូវតែ​អត់ធ្មត់​បន្ត ហើយ​ចូលរួម​គោរព និង​អនុវត្ត​នូវ​វិធានការ​ទាំងនោះ ធ្វើយ៉ាងណា ចូលរួម​ទប់ស្កាត់ និង​កាត់ផ្តាច់​ការឆ្លង​រាលដាល​ជំងឺ​កូ​វីដ​១៩ ក្នុង​សហគមន៍​យើង​៕

(សូមអានបន្ត)

អភិបាលខេត្តកំពង់ធំ អញ្ជើញចុះពិនិត្យមើលការចាក់វ៉ាក់សាំង នៅតាមបណ្ដាក្រុង ស្រុកមួយចំនួន នៃខេត្តកំពង់ធំ

 

 កំពង់ធំ: ថ្ងៃទី២៧ ខែសីហា ឆ្នាំ២០២១ឯកឧត្តម សុខ លូ អភិបាល នៃគណៈ អភិបាលខេត្តកំពង់ធំ អញ្ជើញចុះពិនិត្យមើលការចាក់វ៉ាក់សាំង តាមបណ្ដាក្រុង-ស្រុកមួយចំនួន នៃខេត្តកំពង់ធំ ជាពិសេសការចាក់វ៉ាក់សាំងដល់កុមារ និងយុវវ័យ ដែលមានអាយុចាប់ពី១២ឆ្នាំ ដល់ អាយុក្រោម១៨ឆ្នាំ នាថ្ងៃទី២៦ ខែសីហា ឆ្នាំ២០២១។

រូបថត៖កំពង់ធំ

(សូមអានបន្ត)

រដ្ឋបាលខេត្តកំពង់ឆ្នាំង ចុះពិនិត្យកិច្ចដំណើរការចាក់វ៉ាក់សាំង ដល់កុមារ-យុវវ័យ និងប្រជាពលរដ្ឋដែល​មានអាយុចាប់ពី១៨ឆ្នាំឡើង

  

កំពង់ឆ្នាំង: ថ្ងៃទី២៧ ខែសីហា ឆ្នាំ២០២១ លោកជំទាវ កែ ច័ន្ទមុនី​ អ្នកតំណាងរាស្រ្តមណ្ឌលកំពង់ឆ្នាំង ឯកឧត្តម ឡុង ឈុនឡៃ ប្រធានក្រុមប្រឹក្សាខេត្ត និងឯកឧត្តម ស៊ុន សវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង និងជាប្រធានអនុគណៈកម្មការ ចំពោះកិច្ចចាក់វ៉ាក់សាំងកូវីដ-១៩ អញ្ជើញចុះពិនិត្យកិច្ចដំណើរ​ការចាក់វ៉ាក់សាំង ដល់កុមារ -យុវវ័យអាយុ១២ឆ្នាំ ដល់ក្រោម ១៨ឆ្នាំ និងប្រជាពលរដ្ឋដែលមានអាយុចាប់ពី ១៨ឆ្នាំឡើង នៅមណ្ឌលចាក់​វ៉ាក់សាំងក្នុងមណ្ឌលសុខភាពឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង នាថ្ងៃទី២៦ ខែសីហា ឆ្នាំ២០២១។ រូបថត៖កំពង់ឆ្នាំង

(សូមអានបន្ត)

អ្នក​ល្មើ​សនឹង​បម្រាម វិធានការ​ទប់ស្កាត់ ការឆ្លង​រាលដាល នៃ​ជំងឺ​កូ​វីដ​១៩ ចាប់​ផាក​ពី ១​លាន ដល់ ៥​លាន​រៀល​

 

ស្ទឹងត្រែង​: អាជ្ញាធរខេត្ត​ស្ទឹងត្រែង បានដាក់​ចេញ នូវ​វិធានការ ទប់ស្កាត់ ការឆ្លង​រាលដាល នៃ​ជំងឺ​កូ​វីដ​១៩ និង​បន្ត​បិទ​ខ្ទប់ ក្រុង​ស្ទឹងត្រែង​ទាំងមូល ក្នុង​រយៈពេល​មួយ​សប្តាហ៍ បន្ថែមទៀត បន្ទាប់ពី​ស្ថានភាព ឆ្លង​រាលដាល​ជំងឺ ដ៏​កាច​សាហាវ​មួយ​នេះ មិនទាន់មាន​ការថយចុះ​។​

​ភូមិ​មួយចំនួន និង​ផ្សារ​ក្រុង​ស្ទឹងត្រែង ត្រូវបាន​បិទ​ខ្ទប់ មិន​ឱ្យមាន​សកម្មភាព​លក់ដូរ ហើយ​ប្រជាពលរដ្ឋ អាជ្ញាធរ តម្រូវ​ឲ្យ​ស្នាក់នៅ​ក្នុងផ្ទះ​មួយរយៈ បន្ទាប់ពី​ជំងឺ​កូ​វីដ​១៩ បំប្លែង​ថ្មី បាន​ឆ្លង​រាលដាល កាន់តែ​អាក្រក់​ឡើង​។​

​ដើម្បី​អនុវត្ត​ទៅតាម​វិធានការ របស់​ក្រសួងសុខាភិបាល អាជ្ញាធរ​បានដាក់​កង​កម្លាំង សមត្ថកិច្ច និង​រនាំង​ការពារ នៅ​តំបន់​មួយចំនួន ក្លាយជា​តំបន់​រាំងខ្ទប់ ធ្លាប់​តែមាន ភាព​អ៊ូអរ បានក្លាយ​ទៅជា ស្ងាត់ជ្រងំ​។​

​ចំពោះ​អ្នក​មិន​អនុវត្ត ទៅតាម​ការណែនាំ ឬ​ល្មើ​សនឹង​បំរាម​នៃ​ច្បាប់ ស្ដីពី​វិធានការ ទប់ស្កាត់ ការឆ្លង​រាលដាល នៃ​ជំងឺ​កូ​វីដ​១៩ ត្រូវបាន​ឃាត់ខ្លួន ផាកពិន័យ​អន្តរការណ៍​។​

​យោងតាម​មាត្រា ១០ បទ​មិន​គោរព​វិធាន​រដ្ឋបាល ដែល​បាន​ដាក់ចេញ ដោយ សមត្ថកិច្ច ដើម្បី​ប្រយុទ្ធ​ទប់ស្កាត់ ការឆ្លង​រាលដាល នៃ​ជំងឺ​កូ​វីដ​១៩ ត្រូវ​ផ្ដន្ទាទោស ពិន័យ​អន្តរការណ៍ ពី ១ លាន ដល់ ៥ លាន​រៀល​។​

​ក្នុង​រយៈពេល​បិទ​ខ្ទប់​នេះ ក៏មាន​អ្នក​ល្មើស​បម្រាម តំបន់​បិទ​ខ្ទប់ ត្រូវបាន​ផាកពិន័យ អន្តរការណ៍ ជាច្រើន​ករណី​មកហើយ​។​

​ការឆ្លង​រាលដាល នៃ​ជំងឺ​កូ​វីដ​១៩ នៅ​ខេត្តស្ទឹងត្រែង រហូតមក​ទល់នឹង​ពេលនេះ មាន​អ្នក​ឆ្លង​សរុប ចំនួន ៩២០ នាក់ ក្នុងនោះ មាន​ប្រភេទ​ដែល​តា (Delta) កើន​ដល់ ៥៨ នាក់ អ្នកជា​សះស្បើយ ៥៦៥ នាក់ កំពុង​សម្រាក​ព្យាបាល ៣៤៦ នាក់ និង​មាន​អ្នកស្លាប់ ចំនួន ៩ នាក់​។​

​លោក អ៊ុង សូ​វៀត ប្រធាន​មន្ទីរ​សុខាភិបាល ខេត្តស្ទឹងត្រែង បានបញ្ជាក់​ថាៈ អ្នក​ឆ្លង​ជំងឺ​កូ​វីដ​១៩ ប្រភេទ​បំប្លែង​ថ្មី ដែល​តា គឺជា​អ្នកជំងឺ ដែល​កំពុង​សម្រាក​ព្យាបាល ក្នុង​មណ្ឌល​ព្យាបាល ស្ទឹងត្រែង​។ ចំពោះ​ការចាក់​វ៉ាក់សាំង នឹង​បន្ត​ទៅតាម​ផែនការ ដដែល​។​

​លោក ម៉ែន គុង អ្នកនាំពាក្យ​សាលាខេត្ត​ស្ទឹងត្រែង បាន​និយាយ​នៅក្នុង​សន្និសីទ សារព័ត៌មាន​ថាៈ អ្នក​ដែល​ល្មើស​នឹង​បម្រាម ត្រូវតែ​ផាកពិន័យ​។ ករណី​មិន​អនុវត្ត ឬ​ប្រឆាំង​ទៅនឹង​វិធានការ ដែល​សមត្ថកិច្ច កំពុង​អនុវត្ត អាច​នឹង​បញ្ជូន​សំណុំរឿង ទៅ​តុលាការ​៕

(សូមអានបន្ត)