(បាត់ដំបង)៖ នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអញ្ជើញចុះជួបសំណេះសំណាល សួរសុខទុក្ខ និងនាំយកថវិកាមួយចំនួន ជា អំណោយឧបត្ថម្ភចែកជូនដល់កងទ័ពជើងអាកាស ដែលឈរជើង នៅមូលដ្ឋានទ័ពអាកាសបែកចាន ខេត្តបាត់ដំបង នៅក្នុងឱកាសប្រារព្ធពិធីបូកសរុបប្រតិបត្តិការរុករកសង្គ្រោះឧទ្ធម្ភាគក្រចក្រ Z9 នាថ្ងៃទី៤ ខែមីនា ឆ្នាំ២០២៥ នៅខេត្តពោធិ៍សាត់។
ក្នុងឱកាសនោះ នាយឧត្តមសេនីយ៍ ទៀ សីហា បានអញ្ជើញចុះសួរសុខទុក្ខ ប្រកបដោយសេចក្តីនឹករឮក ដល់កងកម្លាំងទាំងអស់ ព្រមទាំងបានវាយតម្លៃខ្ពស់ចំពោះស្នាដៃ សមិទ្ធផល ដែលកងកម្លាំងសម្រេចបាននាពេលកន្លងមក ក្នុងការបំពេញភារកិច្ចការពារបូរណភាពទឹកដី ការពារសុខសន្តិភាព ស្ថិរភាព និងការកសាងអង្គភាពឲ្យមានការរីកចម្រើនមកដល់បច្ចុប្បន្ន។
សូមបញ្ជាក់ថា នៅក្នុងឱកាសចុះសំណេះសំណាលសួរសុខទុក្ខកងទ័ព នៅមូលដ្ឋានទ័ពអាកាសបែកចាន ខេត្តបាត់ដំបង នាយឧត្តមសេនីយ៍ សឹង សំណាង អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងអាកាសបានអញ្ជើញអមដំណើរ និងបង្ហាញ អគារពីរខ្នង ដែលដំណើរការសាងសង់ជិតរួចរាល់ ដែលជាសមិទ្ធផលថ្មីទើបទទួលបាន និងនាយឧត្តមសេនីយ៍មេបញ្ជាការកងទ័ពជើងអាកាស ជូនដំណើរប្រតិភូក្រសួងការពារជាតិចុះពិនិត្យភូមិសាស្ត្រមូលដ្ឋានទ័ពអាកាសបែកចាន៕
0 Comments:
Post a Comment