អភិបាលរាជធានីភ្នំពេញ អញ្ជើញអ្នកជំនាញ អាជ្ញាធរខណ្ឌទាំង១៤ និងមន្ទីរពាក់ព័ន្ធ ប្រជុំពិភាក្សារៀបចំផែនការបន្ត លើការដោះស្រាយការលិចលង់ដោយជំនន់ទឹកភ្លៀង

   អភិបាលរាជធានីភ្នំពេញ អញ្ជើញអ្នកជំនាញ អាជ្ញាធរខណ្ឌទាំង១៤ និងមន្ទីរពាក់ព័ន្ធ ប្រជុំពិភាក្សារៀបចំផែនការបន្ត លើការដោះស្រាយការលិចលង់ដោយជំនន់ទឹកភ្លៀង

(ភ្នំពេញ)៖ ការដោះស្រាយបញ្ហាលិចលង់ដោយជំនន់ទឹកភ្លៀងនៅរាជធានីភ្នំពេញ, អាជ្ញាធររាជធានីភ្នំពេញ នឹងធ្វើឡើងជាកញ្ចប់តែមួយ ដោយបង្កើតជាគម្រោងធំមួយ ស្នើទៅរាជរដ្ឋាភិបាល ដើម្បីដោះស្រាយការលិចលង់ ដោយជំនន់ទឹកភ្លៀងបាន។

នេះជាការលើកឡើងរបស់លោក ឃួង ស្រេង អភិបាលរាជធានីភ្នំពេញ និងជា​ទីប្រឹក្សា​ផ្ទាល់​ឯកឧត្ដម​កិត្តិ​ទេសាភិបាល​បណ្ឌិត​ ហ៊ុន​ ម៉ាណែត​ នាយករដ្ឋមន្ត្រីនៃកម្ពុជា ខណៈលោកអញ្ជើញជាអធិបតី ក្នុងកិច្ចប្រជុំ សិក្សាអំពីប្រព័ន្ធរំដោះទឹកក្នុងរាជធានីភ្នំពេញ ដើម្បីទប់ទល់នឹងបម្រែបម្រួលអាកាសធាតុសកល នាសៀលថ្ងៃទី៣០ ខែសីហា ឆ្នាំ២០២៣នេះ។

លោក ឃួង ស្រេង បានលើកឡើងថា ការអញ្ជើញអ្នកជំនាញ អាជ្ញាធរខណ្ឌទាំង១៤ និងមន្ទីរពាក់ព័ន្ធមកប្រជុំ ពិភាក្សានៅពេលនេះ គឺដើម្បីរៀបចំផែនការបន្ត លើការដោះស្រាយ ការលិចលង់ ដោយជំនន់ទឹកភ្លៀង អោយបានយូរអង្វែង។

លោក ឃួង ស្រេង បានជំរុញឲ្យធ្វើកិច្ចការងារនេះជាកញ្ចប់តែមួយ ដែលវានឹងអាចដោះស្រាយការលិចលង់នេះបានពី១៥ទៅ២០ឆ្នាំ។ ពាក់ព័ន្ធនិងការងារនេះរាជរដ្ឋាភិបាល ក៏នឹងពិនិត្យបញ្ហាលិចលង់ នៅសន្តរស្ទឹងព្រែកត្នោត ផងដែរ ដើម្បីរកមធ្យោបាយដោះស្រាយឲ្យបានល្អ ចៀសវាងឲ្យបាននូវការលិចដោយជំនន់ទឹកភ្លៀង ព្រោះថា បើលិចរោងចក្រ សហគ្រាសនោះ វានឹងខាតបង់ធ្ងន់ធ្ងរណាស់ នេះជាបញ្ហាដែលទាមទារឲ្យយើងត្រូវរួមគ្នា ដោះស្រាយឲ្យបានល្អ។

លោកបញ្ជាក់ថា ក្រោយកិច្ចប្រជុំរកធាតុចូលបានគ្រប់ជ្រុងជ្រោយហើយនោះ រដ្ឋបាលរាជធានីភ្នំពេញ នឹងអាចរៀបចំជាគម្រោងធំមួយ ផ្ញើទៅរាជរដ្ឋាភិបាល ដើម្បីដោះស្រាយការលិចលង់ដោយជំនន់នេះឲ្យបានល្អ ដែលអាចកាត់បន្ថយកាលិចលង់បានពី១៥ទៅ២០ឆ្នាំ។

លោក សាំ ពិសិដ្ឋ ប្រធានមន្ទីរសាធារការ និងដឹកជញ្ជូនរាជធានីភ្នំពេញ បានលើកឡើងថា សម្រាប់រាជធានីភ្នំពេញ យើងបានធ្វើការងារច្រើនណាស់ ដើម្បីដោះស្រាយបញ្ហាលិចលង់ ដោយជំនន់ទឹកភ្លៀង ដោយគិតមកដល់ ពេលនេះ យើងស្ថាបនាប្រព័ន្ធលូបានជាង៩២៤គីឡូម៉ែត្រ យើងនឹងបន្តស្ថាបនាជាបន្តបន្ទាប់ទៀត។ ជាមួយគ្នានេះយើងបាន ដោះស្រាយបញ្ហាលិចលង់នេះបាន ៣២កន្លែងរួចហើយ ហើយនៅពេលថ្មីនេះទៀត យើងដោះស្រាយបាន៧កន្លែងថ្មីទៀតផងដែរ៕

(សូមអានបន្ត)

នាយឧត្តមសេនីយ៍ ស ថេត និងលោក គួច ចំរើន អញ្ជើញប្រកាសចូលកាន់តំណែង ឧត្តមសេនីយ៍ឯក ស រដ្ឋា ជាស្នងការនគរបាលខេត្តព្រះសីហនុ

 នាយឧត្តមសេនីយ៍ ស ថេត និងលោក គួច ចំរើន អញ្ជើញប្រកាសចូលកាន់តំណែង ឧត្តមសេនីយ៍ឯក ស រដ្ឋា ជាស្នងការនគរបាលខេត្តព្រះសីហនុ

(ព្រះសីហនុ)៖ នាយឧត្តមសេនីយ៍ ស ថេត អគ្គស្នងការនគរបាលជាតិ តំណាងលោកអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ នៅព្រឹកថ្ងៃទី៣១ ខែសីហា ឆ្នាំ២០២៣នេះ អញ្ជើញជាអធិបតីភាពប្រកាសចូលកាន់តំណែង លោកឧត្តមសេនីយ៍ឯក ស រដ្ឋា ជាអគ្គស្នងការរងនគរបាលជាតិ និងជាស្នងការនគរបាលខេត្តព្រះសីហនុ ពិធីនេះ ក៏មានការចូលរួមពី លោក គួច ចំរើន អភិបាលខេត្តព្រះសីហនុ និងថ្នាក់ដឹកនាំអគ្គស្នងការដ្ឋាននគរបាលជាតិ នាយនគរបាលពាក់ព័ន្ធ ស្នងការរង នាយការិយាល័យ អធិការក្រុង ស្រុក និងនាយប៉ុស្ដិ៍នគរបាលរដ្ឋបាលទាំងអស់ ចំណុះស្នងការដ្ឋាននគរបាលខេត្តព្រះសីហនុ។

(សូមអានបន្ត)

លោកអភិសន្ដិបណ្ឌិត ស សុខា អញ្ជើញជាអធិបតីប្រកាសចូលកាន់មុខតំណែង អគ្គលេខាធិការ អគ្គនាយក និងប្រធានបណ្ឌិត្យសភានគរបាលកម្ពុជា នៃក្រសួងមហាផ្ទៃ

ភ្នំពេញ ៖ ទីស្ដីការក្រសួងមហាផ្ទៃ ៖ នៅព្រឹកថ្ងៃពុធ ទី៣០ ខែសីហា ឆ្នាំ២០២៣នេះ លោកអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ប្រកាសចូលកាន់មុខតំណែង អគ្គលេខាធិការ អគ្គនាយក និងប្រធានបណ្ឌិត្យសភានគរបាលកម្ពុជា នៃក្រសួងមហាផ្ទៃ ដោយមានការអញ្ជើញចូលរួមពី លោករដ្ឋលេខាធិការប្រចាំការ លោក លោកស្រី រដ្ឋលេខាធិការ អនុរដ្ឋលេខាធិការ ក្រសួងមហាផ្ទៃ, អគ្គស្នងការនគរបាលជាតិ និងថ្នាក់ដឹកនាំតាមអង្គភាពនានាចំណុះក្រសួងមហាផ្ទៃ ផងដែរ។

លោកឧត្តមសេនីយ៍ឯក ចៅ សុធី អគ្គលេខាធិការរង នៃអគ្គលេខាធិការដ្ឋានក្រសួងមហាផ្ទៃ បានអញ្ជើញអានរបាយការណ៍សង្ខេប ស្ដីពីសមិទ្ធិផលរបស់ក្រសួងមហាផ្ទៃ គោរពជូន លោកអភិសន្ដិបណ្ឌិត ស សុខា និងអង្គពិធីទាំងមូល ដោយបានលើកឡើងថា កិច្ចសហប្រតិបត្តិការជាមួយអន្ដរជាតិ ជាភារកិច្ចស្នូលសំខាន់មិនអាចខ្វះបាន និងបើកទូលាយ ដើម្បីធ្វើទំនាក់ទំនងជាមួយបណ្ដាប្រទេសជាមិត្ត អង្គការសង្គមស៊ីវិលនានា ដែលមានអគ្គលេខាធិការដ្ឋាន ជាសេនាធិការដ៏សំខាន់ ក្នុងការសម្របសម្រួលសំដៅគៀងគរគាំទ្រ ទាំងផ្នែកនយោបាយ ថវិកា សម្ភារ បច្ចេកទេស និងស្រូបយកបទពិសោធន៍ល្អៗមកបង្កើនសមត្ថភាព ក៏ដូចជាការលើកកម្ពស់ប្រសិទ្ធិភាព បំពេញភារកិច្ចរបស់ក្រសួងមហាផ្ទៃ រួមទាំងអង្គភាពក្រោមឱវាទរបស់ក្រសួងមហាផ្ទៃផងដែរ។ លោកឧត្តមសេនីយ៍ឯក បានបន្តថា តាមរយៈកិច្ចខិតខំប្រឹងប្រែងនេះ ក្រសួងមហាផ្ទៃ ទទួលបានលទ្ធផលជោគជ័យត្រចះត្រចង់ជាច្រើនជូនជាតិ និងប្រជាជន ដោយបានធ្វើឱ្យការងារ នយោបាយ រដ្ឋបាល ការងាររក្សាសន្ដិសុខ សណ្ដាប់ធ្នាប់សន្ដិសុខសាធារណៈ សុវត្ថិភាពសង្គម មានការរីកចម្រើនជាបន្ដបន្ទាប់ ពីដំណាក់កាលមួយទៅដំណាក់កាលមួយ និងឆ្ពោះឈានឡើងទៅកាន់ភាពរឹងមាំ បទពិសោធន៍ សមត្ថភាព ដែលជាការរួមចំណែកសំខាន់ជួយឱ្យរាជរដ្ឋាភិបាលសម្រេចបានជោគជ័យ តាមកម្មវិធីនយោបាយ និងផែនការអភិវឌ្ឍលើគ្រប់វិស័យ។

នាឱកាសនោះ លោក ប៉ោ ភក្តិ រដ្ឋលេខាធិការក្រសួងមហាផ្ទៃ បានអញ្ជើញអានព្រះរាជក្រឹត្យតែងតាំងមុខតំណែង អគ្គលេខាធិការ អគ្គនាយក និងប្រធានបណ្ឌិត្យសភានគរបាលកម្ពុជា នៃក្រសួងមហាផ្ទៃ រួមមាន៖ លោកនាយឧត្តមសេនីយ៍ សាស្រ្តាចារ្យ សេង ផល្លី ជាអគ្គនាយក នៃអគ្គនាយកដ្ឋានធនធានមនុស្ស, លោកនាយឧត្តមសេនីយ៍ ឯក មនោសែន ជាប្រធានបណ្ឌិត្យសភានគរបាលកម្ពុជា, ឯកឧត្តម ឧត្តមសេនីយ៍ឯក ផាត សុផានិត ជាអគ្គលេខាធិការ នៃអគ្គលេខាធិការដ្ឋាន, លោកឧត្តមសេនីយ៍ឯក ហោ សំអាត ជាអគ្គនាយក នៃអគ្គនាយកដ្ឋាន បច្ចេកវិទ្យាឌីជីថល និងផ្សព្វផ្សាយអប់រំ, លោកឧត្តមសេនីយ៍ឯក តុប នេត ជាអគ្គនាយក នៃអគ្គនាយកដ្ឋានអត្តសញ្ញាណកម្ម, លោកឧត្តមសេនីយ៍ឯក សុខ វាសនា ជាអគ្គនាយក នៃអគ្គនាយកដ្ឋានអន្ដោប្រវេសន៍, លោក សួស ប្រាថ្នា ជាអគ្គនាយក នៃអគ្គនាយកដ្ឋានរដ្ឋបាល, លោក ឈន សាណាត ជាអគ្គនាយក នៃអគ្គនាយកដ្ឋានពន្ធនាគារ។

លោកនាយឧត្ដមសេនីយ៍ សាស្ត្រាចារ្យ សេង ផល្លី តំណាងអគ្គនាយក និងប្រធានអង្គភាពទាំង៨ បានធ្វើការប្ដេជ្ញាចិត្តថា នឹងបំពេញតួនាទី ភារកិច្ច ដោយស្មោះត្រង់ឥតងាករេ ក្នុងការបម្រើជាតិ សាសនា និងព្រះមហាក្សត្រ ព្រមទាំងបម្រើរាជរដ្ឋាភិបាល ក្រោមការដឹកនាំរបស់ «យុវវិញ្ញូជននៃជាតិ» មួយរូប ដែលប្រកបដោយឧត្ដមគតិស្នេហាជាតិ និងប្រាជ្ញាឈ្លាសវៃគឺ លោកកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ គោរព និងអនុវត្តនូវរាល់បទបញ្ជា គោលការណ៍ណែនាំ វិធានការ គោលនយោបាយ ផែនការ និងកម្មវិធីកំណែទម្រង់របស់ក្រសួងមហាផ្ទៃ ក្រោមការដឹកនាំប្រកបដោយទស្សនៈវិស័យជឿនលឿន និងគំនិតប្រាជ្ញាអភិវឌ្ឍន៍របស់ លោកអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ស្របតាមអត្ថន័យគោរមងារ «អភិសន្តិបណ្ឌិត» ដែលមានន័យថា បញ្ញាជនដែលមានភាពឈ្លាសវៃ និងភាពប៉ិនប្រសប់ខ្ពស់ ក្នុងការចូលរួមចំណែកធ្វើឱ្យប្រទេសមានសន្តិសុខ មានសណ្តាប់ធ្នាប់ សុខដុមរមនា និងសុវត្ថិភាពសង្គមបានល្អប្រសើរ។

ឆ្លៀតឱកាសនោះដែរ លោកអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ មានប្រសាសន៍សំណេះសំណាល និងផ្តាំផ្ញើថា «តាងនាមរាជរដ្ឋាភិបាលកម្ពុជា សូមសម្ដែងការកោតសរសើរ អរគុណ និងវាយតម្លៃខ្ពស់ចំពោះថ្នាក់ដឹកនាំ មន្ដ្រីរាជការ កងកម្លាំងប្រដាប់អាវុធទាំងអស់ បានខិតខំប្រឹងប្រែងបំពេញការងារប្រកបដោយស្មារតីទទួលខុសត្រូវខ្ពស់ចំពោះមុខ ជាពិសេសគ្រប់កាលៈទេសៈ ការលំបាក និងពលីកម្មគ្រប់បែបយ៉ាង ដើម្បីបុព្វហេតុជាតិ សន្ដិសុខសណ្ដាប់ធ្នាប់សាធារណៈ និងបម្រើប្រជាពលរដ្ឋនាពេលកន្លងមក»។

លោកអភិសន្ដិបណ្ឌិត បន្ដថា ក្រោមការដឹកនាំដោយផ្ទាល់របស់សម្ដេចក្រឡាហោម ស ខេង នាអាណត្តិទី៦ កន្លងទៅបានដឹកនាំកសាងស្ថាប័នក្រសួងមហាផ្ទៃ និងពង្រឹង បណ្ដុះបណ្ដាលមន្ដ្រីប្រកបដោយជំនាញវីជ្ជាជីវៈប្រកបដោយសីលធម៌ ក្លាយជាកម្លាំងបង្អែកដ៏រឹងមាំ ក្នុងការបម្រើសេវាសាធារណៈ និងការចូលរួមថែរក្សាសន្ដិសុខ ស្ថិរភាពនយោបាយ សណ្ដាប់ធ្នាប់សាធារណៈ សុវត្ថិភាពសង្គមទាំងមូលគ្រប់កាលៈទេសៈ សំដៅរួមបង្កបរិយាកាសសម្រាប់ការអភិវឌ្ឍសេដ្ឋកិច្ចលើគ្រប់វិស័យនាពេលបច្ចុប្បន្ន។

ទន្ទឹងនឹងនេះ លោកអភិសន្ដិបណ្ឌិត ឧបនាយករដ្ឋមន្ដ្រី បានកោតសរសើរចំពោះ លោកអគ្គលេខាធិការ លោកអគ្គនាយក លោកនាយឧត្ដមសេនីយ៍ សាស្ត្រាចារ្យ នាអាណត្តិថ្មី ដែលបានខិតខំប្រឹងប្រែងបំពេញការងារប្រកបដោយស្មារតីទទួលខុសត្រូវខ្ពស់ ក្នុងតួនាទី មុខតំណែងដែលបានប្រគល់ជូននាពេលកន្លងមកផងដែរ៕

             

(សូមអានបន្ត)

អន្តរក្រសួង ចេញសេចក្តីប្រកាសស្តីពីការអនុវត្តកម្មវិធីផ្តល់ប្រាក់ឧបត្ថម្ភរបស់រាជរដ្ឋាភិបាល សម្រាប់សមាជិក ប.ស.ស. ជាស្ត្រីមានផ្ទៃពោះ និងកុមារអាយុក្រោម ២ឆ្នាំ

អន្តរក្រសួង ចេញសេចក្តីប្រកាសស្តីពីការអនុវត្តកម្មវិធីផ្តល់ប្រាក់ឧបត្ថម្ភរបស់រាជរដ្ឋាភិបាល សម្រាប់សមាជិក ប.ស.ស. ជាស្ត្រីមានផ្ទៃពោះ និងកុមារអាយុក្រោម ២ឆ្នាំ

 (ភ្នំពេញ)៖ ក្រសួងសេដ្ឋកិច្ច និងហិរញ្ញវត្ថុ ក្រសួងសុខាភិបាល និងក្រសួងការងារ និងបណ្តុះបណ្តាលវិជ្ជាជីវៈ នាថ្មីៗនេះ បានចេញសេចក្តីប្រកាសរួមមួយ ស្តីពីការអនុវត្តកម្មវិធីផ្តល់ប្រាក់ឧបត្ថម្ភរបស់រាជរដ្ឋាភិបាល សម្រាប់សមាជិក ប.ស.ស. ជាស្ត្រីមានផ្ទៃពោះ និងកុមារអាយុក្រោម ២ឆ្នាំ។

ខាងក្រោមនេះជាប្រកាសអន្តរក្រសួង៖

(សូមអានបន្ត)

ឧត្តមសេនីយ៍ឯក លន់ សុផាត អគ្គស្នងការរង ជំរុញកម្លាំងនគរបាលទាំងអស់ត្រូវបង្កើន និងពង្រឹងសមត្ថភាពដើម្បីឲ្យស្របតាមយុទ្ធសាស្ដ្របញ្ចកោណរបស់រាជរដ្ឋាភិបាល

(កំពង់ស្ពឺ)៖ លោកឧត្តមសេនីយ៍ឯក លន់ សុផាត អគ្គស្នងការរងនគរបាលជាតិ តំណាងនាយឧត្តមសេនីយ៍ ស ថេត អគ្គស្នងការនគរបាលជាតិ នៅព្រឹកថ្ងៃទី៣០ ខែសីហា ឆ្នាំ២០២៣នេះ បានអញ្ជើញជាអធិបតីភាពវគ្គបណ្ដុះបណ្ដាលមន្ដ្រីនគរបាលយុត្តិធម៌, វគ្គបំប៉នជំនាញបង្ការ និងបង្ក្រាបសក្មភាពចលាចល និងវគ្គបំប៉នជំនាញអន្ដរាគមន៍ពិសេស នៅសាលានគរបាលជាតិមិត្ដភាពកម្ពុជា-វៀតណាម។

ថ្លែងក្នុងឱកាសនោះ លោកឧត្តមសេនីយ៍ឯក លន់ សុផាត បានលើកឡើងថា រាជរដ្ឋាភិបាល ក្រោមការដឹកនាំប្រកបដោយ គតិបណ្ឌិតដ៏ឈ្លាសវៃរបស់ ឯកឧត្តម កិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃកម្ពុជា បានបន្តដាក់ចេញនូវ គោលនយោបាយបញ្ចកោណ កំណែទម្រង់លើគ្រប់វិស័យ រួម ទាំងកងកម្លាំងប្រដាប់អាវុធគ្រប់ប្រភេទ ដោយផ្តោតសំខាន់ ទៅលើការធ្វើ ទំនើបកម្ម និងការពង្រឹងសមត្ថភាពវិជ្ជាជីវៈ ន កងកម្លាំងគ្រប់ប្រភេទ ក្នុងបរិបទសកលភាវរូបនីយកម្ម និងការធ្វើសមាហរណកម្មកម្ពុជា ទៅក្នុងសហគមន៍សេដ្ឋកិច្ចអា

ស៊ាន។

លោកបានអះអាងថា ក្នុងន័យនេះ រាជរដ្ឋាភិបាល បានធ្វើការប្ដេជ្ញាចិត្តខ្ពស់ ក្នុងការធានាឲ្យបាននូវសន្តិភាព ស្ថិរភាព នយោបាយ សេដ្ឋកិច្ច សង្គម សន្តិសុខ និងសុវត្ថិភាព ភូមិ ឃុំ សង្កាត់ ដែលជាមូលដ្ឋានគ្រឹះនៃការអភិវឌ្ឍប្រទេសជាតិលើគ្រប់វិស័យ និងផ្តល់ឱកាសឲ្យប្រជាពលរដ្ឋរស់នៅដោយសុខក្សេមក្សាន្ត និងមានជីវភាពល្អប្រសើរ ព្រមទាំងប្តេជ្ញា ការពារសន្តិភាព ឯករាជ្យ និងបូរណភាពទឹកដី មិនឲ្យកម្លាំងណា មករំលោភបំពាន និងបំផ្លាញបានឡើយ។

បើតាមលោកឧត្តមសេនីយ៍ឯក លន់ សុផាត, ដើម្បីឈានទៅសម្រេចនូវគោលនយោបាយនេះ ថ្នាក់ដឹកនាំ ក្រសួងមហាផ្ទៃ និងអគ្គស្នងការដ្ឋាននគរបាលជាតិ បានដាក់ចេញនូវផែនការអភិវឌ្ឍធនធានមនុស្ស និងព្រមទាំងបានផ្ដល់ការ គាំទ្រគ្រប់បែបយ៉ាង ទាំងស្មារតី សម្ភារៈ និងហិរញ្ញវត្ថុ ដើម្បីអភិវឌ្ឍន៍សមត្ថភាពវិជ្ជាជីវៈ ពង្រឹងគុណភាពអប់រំបណ្ដុះបណ្តាល និងលើកកម្ពស់ក្រមសីលធម៌វិជ្ជាជីវៈ ដល់មន្ត្រីនគរបាលជាតិ ឲ្យស្របតាមតម្រូវការនៃអង្គភាពប្រើប្រាស់កម្លាំង និងធានាឲ្យបាន នូវភាពជាម្ចាស់ការ លើការងារបណ្តុះបណ្តាល ដោយកាត់បន្ថយ ការបញ្ចូនមន្ត្រីនគរបាលជាតិទៅសិក្សា ឬបណ្តុះបណ្តាលនៅក្រៅប្រទេស។

ជាមួយគ្នានេះ លោកឧត្តមសេនីយ៍ឯក លន់ សុផាត បានណែនាំដល់កងកម្លាំងទាំងអស់បន្តគាំទ្រ និងប្រឆាំងដាច់ខាតរាល់ការប៉ុនប៉ងពីក្រុមណាមួយ ដើម្បីផ្ដួលរំលំរាជរដ្ឋាភិបាល ដឹកនាំដោយ ឯកឧត្តម កិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃកម្ពុជា ដែលប្រសូតចេញពីការបោះឆ្នោត ផ្តល់សេចក្តីទុកចិត្តពីប្រជាពលរដ្ឋ។

យោងតាមរបាយការណ៍របស់លោកឧត្តមសេនីយ៍ឯក អ៊ុំ អុន អនុប្រធានសេនាធិការ និងជានាយកសាលានគរបាលជាតិមិត្តភាពកម្ពុជា-វៀតណាម បានឲ្យដឹងថា វគ្គបណ្ដុះបណ្ដាលនេះមានសិក្ខាកាមសរុបចំនួន៣១០នាក់ ក្នុងនោះរួមមាន៖

* វគ្គបណ្តុះបណ្តាលមន្ត្រីនគរបាលយុត្តិធម៌ មានសិក្ខាកាមសរុបចំនួន១៥០នាក់ (ស្រី០២នាក់) ដែលមកពីអគ្គនាយកដ្ឋានអន្តោប្រវេសន៍ នាយកដ្ឋានស៊ើបការណ៍ខាងក្រៅ និងបច្ចេកទេស នាយកដ្ឋានប្រឆាំង ភេរវកម្ម និងឧក្រិដ្ឋកម្មឆ្លងដែន នាយកដ្ឋានប្រឆាំងបទល្មើសល្បែងពាណិជ្ជកម្ម រួមទាំងអង្គភាពនានាចំណុះ ក្រសួងមហាផ្ទៃ ស្នងការដ្ឋាននគរបាលរាជធានី-ខេត្ត និងនាយកដ្ឋាន-អង្គភាពចំណុះអគ្គស្នងការដ្ឋានសរុប ចំនួន៤៩។

* វគ្គបំប៉នជំនាញបង្ការ និងបង្ក្រាបសកម្មភាពចលាចល មានសិក្ខាកាមសរុបចំនួន៦០នាក់ (ស្រី០១នាក់) ដែលមកពីស្នងការដ្ឋាននគរបាលរាជធានី-ខេត្ត និងនាយកដ្ឋាន-អង្គភាពចំណុះអគ្គស្នងការដ្ឋាន នគរបាលជាតិសរុបចំនួន៣២។

* វគ្គបណ្តុះបណ្តាលជំនាញអន្តរាគមន៍ពិសេស មានសិក្ខាកាមសរុបចំនួន១០០នាក់ (ស្រី០២នាក់) ដែលមកពីស្នងការដ្ឋាននគរបាលរាជធានី-ខេត្ត និងនាយកដ្ឋាន-អង្គភាពចំណុះអគ្គស្នងការដ្ឋាននគរបាលជាតិ សរុបចំនួន៣០។

លោកឧត្តមសេនីយ៍ អ៊ុំ អុន បានគូសបញ្ជាក់ថា គ្រប់ការសិក្សាតាមវគ្គនីមួយៗ សាលាតម្រូវឲ្យមានការប្រឡងបញ្ចប់វគ្គ និងប្រឡងបញ្ចប់មេរៀននីមួយៗ ទាំងទ្រឹស្តី ការអនុវត្តជាក់ស្ដែងលើទីលានគ្រូតម្រូវធ្វើតេស្ត ដើម្បីស្ទាបស្ទង់សមត្ថភាពរបស់សិក្ខាកាម និងផ្តល់ពិន្ទុជូនសិក្ខាកាមម្នាក់ៗ ដោយបូកជាមួយវិន័យ សីលធម៌ ការសាមគ្គីភាព ពលកម្មអនាម័យ ការរស់នៅជាមូលដ្ឋានគ្រឹះ ក្នុងការផ្តល់វិញ្ញាបនបត្របញ្ជាក់ការសិក្សាជូននៅពេលបញ្ចប់វគ្គ៕

(សូមអានបន្ត)