ឯកឧត្តមរដ្ឋមន្ត្រីក្រសួងព័ត៌មាន សម្តែងការខកចិត្តដែលប្រទេសមួយចំនួនអនុវត្តគោលការណ៍ស្តង់ដារពីរ ពាក់ព័ន្ធនឹងសេរីភាពសារព័ត៌មាន

   

 ភ្នំពេញ: ថ្ងៃទី២៩ ខែមេសា ឆ្នាំ២០២២ ក្នុងឱកាសនៃទិវាសេរីភាពសារព័ត៌មានពិភពលោក ថ្ងៃទី០៣ ខែឧសភា ឆ្នាំ២០២២ ខាងមុខនេះ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ក្នុងនាមក្រសួងព័ត៌មាន ដែលជាសេនាធិការរបស់រាជរដ្ឋាភិបាលកម្ពុជា បានសម្តែងនូវជំហរក្នុងការគាំទ្រ និងបន្តខិតខំយ៉ាងមោះមុត ដើម្បីលើកកម្ពស់សេរីភាពសារព័ត៌មាននៅកម្ពុជា ប៉ុន្តែបានសម្តែងនូវការខកចិត្តចំពោះប្រទេសមួយចំនួនដែលអនុវត្តគោលការណ៍ស្តង់ដារពីរ ចំពោះសេរីភាពសារព័ត៌មាន។ ឯកឧត្តមរដ្ឋមន្ត្រី បានបញ្ជាក់ថា ៖

 “ក្រសួងព័ត៌មាន បាននិងកំពុងបន្តគាំទ្រសេរីភាពនៃការបញ្ចេញមតិ ដើម្បីធ្វើយ៉ាងណាឱ្យប្រជាជនកម្ពុជាអាចអនុវត្តសិទ្ធិនេះដោយស្មើភាព និងមិនមានការភ័យខ្លាច ប៉ុន្តែក្រោមគោលការណ៍នៃច្បាប់របស់ព្រះរាជាណាចក្រកម្ពុជា។ ហើយការលើកកម្ពស់សេរីភាពនេះក៏ដើម្បីឱ្យប្រជាជនកម្ពុជាទាំងអស់ដែលនៅពាសពេញពិភពលោក អាចជ្រើសរើសមាគ៌ា ឬថ្នាក់ដឹកនាំ ឬអ្នកដឹកនាំរបស់ខ្លួន ដោយការយល់ដឹងច្បាស់។ ហេតុដូច្នេះហើយ ខ្ញុំសង្ឃឹមថាជនរួមជាតិទាំងអស់មិនថានៅក្នុងប្រទេស ឬក្រៅប្រទេស នឹងបន្តខិតខំគាំទ្រគោលការណ៍សេរីភាពនៃការបញ្ចេញមតិ រួមទាំងគោលការណ៍នៃសេរីភាពសារព័ត៌មាននេះ ឱ្យបានល្អជាទូទៅទាំងអស់គ្នា”។ 

 ជាមួយគ្នានេះ ឯកឧត្តមរដ្ឋមន្ត្រី ក្នុងនាមក្រសួងព័ត៌មាន បានសម្តែងនូវការខកចិត្តក្នុងការវិវត្តនៃព្រឹត្តិការណ៍ថ្មីៗនេះ ជាពិសេសសង្គ្រាមរវាងប្រទេសរុស្ស៊ី និងប្រទេសអ៊ុយក្រែន ដែលយើងសង្កេតឃើញថាមាននិន្នាការក្នុងការលុបបំបាត់ស្ថានីយផ្សាយនេះ ស្ថានីយផ្សាយនោះ ឬក៏ប្រព័ន្ធផ្សព្វផ្សាយណាមួយ ដែលជាការផ្ទុយទាំងស្រុងទៅនឹងគោលការណ៍សេរីភាពនៃការបញ្ចេញមតិ និងគោលការណ៍នៃសេរីភាពសារព័ត៌មាន។ បន្ថែមពីលើនេះ ឯកឧត្តម ខៀវ កាញារីទ្ធ បានអំពាវនាវដល់គ្រប់ប្រទេសទាំងអស់ឱ្យខិតខំអនុវត្តសេរីភាពសារព័ត៌មាន ឱ្យមានស្តង់ដារតែមួយ ដើម្បីសុខុមាលភាព សេរីភាព សន្តិភាព និងដើម្បីជាជម្រើសប្រកបដោយសេរីភាព ក្នុងការសម្រេចចិត្តរបស់ប្រជាជនគ្រប់រូប។

 សូមរម្លឹកថា កាលពីថ្ងៃទី២៨ ខែមេសា ឆ្នាំ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅក្នុងពិធីសំណេះសំណាលជាមួយកីឡាករ-កីឡាការិនី និងប្រតិភូកីឡា មុនចេញទៅប្រកួតកីឡាស៊ីហ្គេមនៅប្រទេសវៀតណាម បានមានប្រសាសន៍ថា ៖ “នៅលើពិភពលោកយើងនេះ មានតែវិស័យកីឡាទេដែលមានស្តង់ដាររួមតែមួយ ដូច្នេះសូមកុំនិយាយដល់ស្តង់ដារអន្តរជាតិលើលទ្ធិប្រជាធិបតេយ្យ លើសិទ្ធិមនុស្ស លើបញ្ហានេះបញ្ហានោះ គឺគ្មានទេ”។

 សូមបញ្ជាក់ផងដែរថា នៅថ្ងៃទី០៣ ខែឧសភា ឆ្នាំ២០២២ខាងមុខនេះ ឯកឧត្តម ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក តំណាងសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីដ៏ខ្ពង់ខ្ពស់ ក្នុងឱកាសទិវាសេរីភាពសារព័ត៌មានពិភពលោក លើកទី២៩ ក្រោមមូលបទ “សារព័ត៌មានក្រោមសម្ពាធប្រព័ន្ធឌីជីថល” នៅរាជធានីភ្នំពេញ៕ ដោយ ផែន រតនៈ សម្រួលផ្សាយដោយ៖ DARA

(សូមអានបន្ត)

លោកបណ្ឌិត សឹង សំណាង ចុះជួបគ្រួសារសមាជិក គណបក្សប្រជាជនកម្ពុជា ជិត ៤០០នាក់ បង្ហាញវឌ្ឍនភាពជាតិ ក្រោមការដឹកនាំរបស់សម្តេចតេជោ

លោកបណ្ឌិត សឹង សំណាង ចុះជួបគ្រួសារសមាជិក គណបក្សប្រជាជនកម្ពុជា ជិត ៤០០នាក់ បង្ហាញវឌ្ឍនភាពជាតិ ក្រោមការដឹកនាំរបស់សម្តេចតេជោ

(កំពង់ឆ្នាំង)៖ លោកបណ្ឌិត សឹង សំណាង ប្រធានក្រុមការងារចុះជួយមូលដ្ឋានស្រុកកំពង់លែង អមដំណើរដោយសមាជិកក្រុមការងារថ្នាក់កណ្តាលចុះជួយឃុំសំរោងសែន ស្រុកកំពង់លែង ខេត្តកំពង់ឆ្នាំង បានចុះសួរសុខទុក្ខ និងសំណេះសំណាលតំណាងគ្រួសារគណបក្សប្រជាជនកម្ពុជាចំនួន ៣៨០នាក់ ដែលរស់នៅក្នុងភូមិសំរោងសែន និងភូមិប៉ប្រក់ កាលពីវេលារឹកថ្ងៃទី ២៧ មេសា ២០២២។

ក្នុងជំនួបសំណេះសំណាលនោះ លោកបណ្ឌិត សឹង សំណាង បានថ្លែងជំរាបជូនពីសមិទ្ធិផល និងការរីកចម្រើនក្រោមបរិយាកាសសុខសន្តិភាពនៃការដឹកនាំរបស់គណបក្សប្រជាជនកម្ពុជា ដែលបាននាំប្រទេសកម្ពុជា ទទួលបានជោគជ័យលើគ្រប់វិស័យ។ ជាពិសេសការការគ្រប់គ្រងប្រយុទ្ធប្រឆាំងការឆ្លងរាលដាលជំងឺកូវីដ១៩ ប្រឹងប្រែងរកវ៉ាក់សាំងបង្ការជំងឺកូវីដ១៩ ចាក់ជូនប្រជាពលរដ្ឋគ្រប់ស្រទាប់វណ្ណៈ រហូតបានរួចផុតពីការឆ្លងរាលដាលពីជំងឺដ៏កាចសាហាវមួយនេះ ហើយឈានដល់ការបើកប្រទេសឡើងវិញ និងធ្វើឱ្យសេដ្ឋកិច្ចជាតិ បានដំណើរការឡើងវិញដូចពេលបច្ចុប្បន្ន។

លោកបណ្ឌិត សឹង សំណាង បានរំលឹកទៅកាន់ដំណាងគ្រួសារគណបក្សប្រជាជនកម្ពុជា ឱ្យទៅចួលរួមការបោះឆ្នោតគាំទ្រក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២-២០២៧ ឱ្យបានផុលផុស។

លោកបណ្ឌិត សឹង សំណាង និងក្រុមក្រុមការងារ បានចែកជូនវត្ត្ថុអនុស្សាវរីយ៍ចំពោះដំណាងគ្រួសារគណបក្សប្រជាជនកម្ពុជាក្រោមបរិយាកាសរីករាយ និងស្និទស្នាលបំផុត៕

(សូមអានបន្ត)

ឯកឧត្តមឃួងស្រេងណែនាំដល់មន្រ្តីពន្ធដារនិងអាជ្ញាធរខណ្ឌត្រូវពង្រឹងកិច្ចសហការជាមួយគ្នាឱ្យបានល្អ ដើម្បីប្រសិទ្ធភាពនៃការ ប្រមូលពន្ធ

 

ឯកឧត្តមឃួងស្រេងអភិបាលរាធានីភ្នំពេញ បានណែនាំដល់មន្រ្តីពន្ធដារនិងអាជ្ញាធរខណ្ឌទំាង១៤ ក្នុងភូមិសាស្រ្តរាជធានីភ្នំពេញត្រូវពង្រឹងកិច្ចសហការជាមួយគ្នាឱ្យបានល្អ ដើម្បីប្រសិទ្ធភាពនៃការប្រមូលពន្ធចូលថវិកាជាតិ សម្រាប់ជំរុញដល់ការអភិវឌ្ឍន៍នៅមូលដ្ឋាន។

ថ្លែងក្នុងពិធីប្រកាសភារកិច្ច និងតែងតំាងថ្នាក់ដឹកនាំសាខាពន្ធដារខណ្ឌ នៅរាជធានីភ្នំពេញ នា រសៀលថ្ងៃទី២៦ ខែមេសា នេះ ឯកឧត្តមឃួង ស្រេងអភិបាលរាជធានីភ្នំពេញបានមាន ប្រសាសន៍ថា ការប្រមូលពន្ធបានល្អត្រឹមត្រូវប្រកបដោយតម្លាភាព នឹងជំរុញដល់ប្រសិទ្ធភាពនៃការអភិវឌ្ឍន៍ជាតិ។ តាម រយៈនេះ ឯកឧត្តម បានណែនាំដល់មន្រ្តីខណ្ឌទំាង១៤ ត្រូវពង្រឹងកិច្ចសហការគ្នាឱ្យបានល្អក្នុងការដោះ ស្រាយរាល់បញ្ហាឆ្គាំឆ្គងដោយប្រការណាមួយនៅក្នុងពេលប្រមូលពន្ធឱ្យមានប្រសិទ្ធភាព ដើម្បីធានាដល់ ការប្រមូលពន្ធបានត្រឹមត្រូវ បង្កើនចំណូលចូលថវិកាជាតិ។

សំឡេង«លោក លោកស្រីអភិបាលខណ្ឌទំាង១៤ត្រូវយល់ឱ្យច្បាស់ថា ការប្រមូលពន្ធ អង្គភាពពន្ធដារប្រមូលពន្ធ គឺយកមកសម្រាប់ការអភិវឌ្ឍន៍ជូនប្រជាពលរដ្ឋ។ អ៊ីចឹងទេប្រសិនបើការ ប្រមូលពន្ធមានបញ្ហាឆ្គាំ ឆ្គងដោយប្រការណាមួយដោយមានការលើកឡើងពីប្រជាពលរដ្ឋនៅមូលដ្ឋានក្តីត្រូវរួមគ្នាដោះស្រាយ។ ពុំមែនការប្រមូលពន្ធជាកត្តាដោយឡែករបស់ពន្ធដារទេ។ អស់លោកលោកស្រីជាគណបញ្ជាការឯក ភាព ខណ្ឌទំាង១៤ យល់ឱ្យបានច្បាស់ថា ការប្រមូលពន្ធគឺដើម្បីទ្រទ្រង់ដល់ការអភិវឌ្ឍន៍ជាតិរបស់យើង ជាពិសេសគឺចំណូល ពន្ធសម្រាប់រាជធានីភ្នំពេញ គឺសម្រាប់ប្រមូលយកមកអភិវឌ្ឍ នៅរាជធានីភ្នំពេញ ពុំមែនគាត់យកទៅចាយខ្លួនគាត់ទេ អ៊ីចឹងកិច្ចការទំាងឡាយទំាងពួងត្រូវតែមានវិធីសាស្រ្តក្នុងការធ្វើការ»។

នៅក្នុងឱកាសនោះដែរឯកឧត្តមអភិបាល ក៏បានណែនាំដល់ប្រធានពន្ធដារខណ្ឌថ្មីដែលទើបតែងតំាងថ្មីត្រូវបំពេញស្នាដៃការងារក្នុងភារកិច្ចទទួលខុសត្រូវក្នុងតួនាទីរបស់ខ្លួនឱ្យបានល្អ សំដៅការប្រមូលចំណូលពន្ធកាន់តែមានប្រសិទ្ធភាព។ បន្ថែមពីនេះទៀតត្រូវតែគោរពឱ្យបាន ម៉ឺងម៉ាត់តាមស្តង់ដារសេវាសាធារណៈ នីតិវិធីពេលវេលា និងកម្រៃសេវាដែលច្បាប់បានកំណត់ ស្របតាមគោលការណ៍ធ្វើឱ្យបានធ្វើឱ្យលឿនប្រកបដោយតម្លាភាព។

ឯកឧត្តមគង់ វិបុល រដ្ឋមន្រ្តីប្រតិភូអមនាយករដ្ឋមន្រ្តី និងជាប្រតិភូរាជរដ្ឋាភិបាលទួលបន្ទុកជា អគ្គនាយក នៃអគ្គនាយកដ្ឋានពន្ធដារ បានគាំទ្រចំពោះការពង្រឹងកិច្ចសហការរវាងមន្រ្តីខណ្ឌនិងមន្រ្តីពន្ធដារដែលជាកិច្ចការដ៏សំខាន់ក្នុងដំណើរការប្រមូលពន្ធប្រកបដោយប្រសិទ្ធភាព ប្រមូលពន្ធបានច្រើន ដើម្បីឱ្យរាជធានីភ្នំពេញកាន់តែមានថវិកាច្រើនសម្រាប់ការអភិវឌ្ឍន៍នៅមូលដ្ឋាន។

ឯកឧត្តមបានបញ្ជាក់ថា កិច្ចសហការគ្នានេះ នឹងបង្កើតឱ្យមានជាប្រព័ន្ធធ្វើការផ្លូវការមួយ ដើម្បីធានា ប្រសិទ្ធភាពក្នុងការដោះស្រាយរាល់បញ្ហាផ្សេងៗ លើការប្រមូលពន្ធគ្រប់ប្រភេទនៅមូលដ្ឋាន ពិសេសគឺការប្រមូលពន្ធអចលនទ្រព្យ ពន្ធលើប្រាក់ចំណេញ ឬពន្ធលើមធ្យោបាយយានយន្តជាដើម ដែលសកម្មភាព នេះនឹងឈានទៅដល់ការលុបបំបាត់ការប្រមូលពន្ធមិនត្រឹមត្រូវ ដែលធ្វើឱ្យប៉ះពាល់ដល់ចំណូលជាតិ។

សូមបញ្ជាក់ថា ក្នុងពិធីប្រកាសភារកិច្ច និងតែងតំាងថ្នាក់ដឹកនាំសាខាពន្ធដារខណ្ឌនៅរាជធានីភ្នំពេញ នារសៀលថ្ងៃទី២៦ ខែមេសានេះ មានចំនួន៦សាខារួមមាន សាខាពន្ធដារខណ្ឌមានជ័យ ខណ្ឌ៧មករា ខណ្ឌទួលគោក ខណ្ឌឬស្សីកែវ ខណ្ឌពោធិសែនជ័យ និងសាខាពន្ធដារខណ្ឌដង្កោ៕

(សូមអានបន្ត)

ស្ពានទន្លេតូច ប្រវែង៧៥ម៉ែត្រ នៅស្រុកខ្សាច់កណ្ដាល ត្រូវបានសម្ពោធដាក់ឱ្យប្រើប្រាស់

 កណ្តាល: ថ្ងៃទី២៦ ខែមេសា ឆ្នាំ ២០២២  ស្ពានបេតុងឆ្លងទន្លេតូច ប្រវែង៧៥ម៉ែត្រ ទទឹង ០៨ម៉ែត្រ និង ផ្លូវបេតុងអាមេ ប្រវែង ៣ ៧៨០ម៉ែត្រ ទទឹង ០៦ម៉ែត្រ កម្រាស់០.១៥ម៉ែត្រ ស្ថិតនៅភូមិបាក់ដាវលើ ឃុំបាក់ដាវ ស្រុកខ្សាច់កណ្ដាល ត្រូវបានសម្ពោធដាក់ឱ្យប្រើប្រាស់ជាផ្លូវការ នៅថ្ងៃ៩រោច ខែចេត្រ ឆ្នាំខាល ចត្វាស័ក ព.ស. ២៥៦៥ ត្រូវនឹងថ្ងៃចន្ទ ទី២៥ ខែមេសា ឆ្នាំ២០២២ ក្រោមអធិបតីភាពឯកឧត្តមបណ្ឌិតសភាចារ្យ ជូ វិជិត្ត រដ្ឋមន្រ្ដីប្រតិភូអមនាយករដ្ឋមន្រ្ដី និងជារដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ ឯកឧត្តមបណ្ឌិត ម៉ៅ ភិរុណ ប្រធានក្រុមប្រឹក្សាខេត្តកណ្តាល និងឯកឧត្តម គង់ សោភ័ណ្ឌ អភិបាលខេត្តកណ្ដាល ។

មានប្រសាសន៍សំណេះសំណាលជាមួយប្រជាពលរដ្ឋ ក្នុងពិធីនេះ ឯកឧត្តមបណ្ឌិតសភាចារ្យ ជូ វិជិត្ត បានបញ្ជាក់ថា ស្ពានបេតុង និងផ្លូវបេតុង ដែលសម្ពោធដាក់ឱ្យបងប្អូនប្រជាពលរដ្ឋប្រើប្រាស់ជាផ្លូវការនាពេលនេះ គឺជាសមិទ្ធផលថ្មីមួយបន្ថែមទៀតសម្រាប់ស្រុកខ្សាច់ កណ្ដាល។ វាគឺជាការឆ្លើយតបទៅនឹងតម្រូវការចាំបាច់នៅមូលដ្ឋាន ដើម្បីជួយសម្រួលដល់ការធ្វើដំណើរ ប្រកបអាជីវកម្ម និងការដឹកជញ្ជូនកសិផលផ្សេងៗឆ្លងកាត់ទីនេះបានងាយស្រួល និងឆាប់រហ័សជាងមុន។

ឯកឧត្តមបណ្ឌិតសភាចារ្យ បានបញ្ជាក់បន្ថែមថា ប្រទេសជាតិយើងមានសុខសន្តិភាព មានការរីកចម្រើនអភិវឌ្ឍន៍ដូចសព្វថ្ងៃ គឺក្រោមការដឹកនាំដ៏ឆ្លាតវៃរបស់សម្តេចអគ្គមហាសេនាបតីតេជោ ហ៊ុន សែន ប្រមុខនៃរាជរដ្ឋាភិបាលកម្ពុជា សម្តេចតែងតែយកអាទិភាពផ្លូវថ្លល់ និងស្ពានចាត់ទុកជាសរសៃឈាមយ៉ាងសំខាន់ ក្នុងការអភិវឌ្ឍប្រទេសជាតិដូចសព្វថ្ងៃនេះ ។ ពី ព្រោះស្ពាន ថ្នល់វាជាសរសៃឈាមដ៏មានសារៈសំខាន់បំផុត ដែលបម្រើឱ្យវិស័យសេដ្ឋកិច្ចជាចម្បង ពោលគឺមានផ្លូវ មានស្ពាន មានក្តីសង្ឃឹម ឈានទៅកាត់បន្ថយបាននូវភាពក្រីក្រជូនបងប្អូនប្រជាពលរដ្ឋ នៅតាមជនបទ។

ឯកឧត្តមបណ្ឌិតសភាចារ្យ បានអំពាវនាវដល់ប្រជាពលរដ្ឋ សូមចូលរួមថែរក្សាសុខសន្តិភាព និងគាំទ្ររាជរដ្ឋាភិបាល ក្រោមការដឹកនាំដ៏ឈ្លាសវៃ និងប៉ិនប្រសប់ប្រកប ដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដី នៃព្រះរាជាណាចក្រកម្ពុជា ដើម្បីបន្តនិរន្តរភាពនៃការអភិវឌ្ឍជាបន្តបន្ទាប់ទៀត ជាពិសេសប្រជាពលរដ្ឋទាំងអស់ សូមជួយថែទាំសមិទ្ធផលហេដ្ឋារចនាសម្ព័ន្ធផ្សេងៗ ដែលថ្នាក់មូលដ្ឋានទទួលបានរួមមានផ្លូវថ្នល់ ស្ពាន សួនច្បារជាដើម ដើម្បីទុកប្រើប្រាស់ឱ្យបានយូរអង្វែង និងត្រូវបន្តប្រុងប្រយ័ត្ន និងរក្សាឱ្យបានខ្ជាប់ខ្ជួននូវវិធានការ ៣កុំ និង៣ការពារ ដើម្បីបញ្ឈប់ការរីករាលដាលនៃជំងឺកូវីដ-១៩ផងដែរ។

នៅក្នុងពិធីនេះដែរ ឯកឧត្តមបណ្ឌិតសភាចារ្យ ក៏បានអំពាវនាវ ឱ្យប្រជាពលរដ្ឋដែលគ្រប់អាយុបោះឆ្នោត សូមទៅចូលរួមបោះឆ្នោតក្រុមប្រឹក្សាឃុំ សង្កាត់ អណត្តិទី៥ ឱ្យបានគ្រប់ៗគ្នា ដែលនឹងប្រព្រឹត្តិទៅនៅថ្ងៃអាទិត្យ ទី០៥ ខែមិថុនា ឆ្នាំ២០២២ខាងមុខនេះ។៕ ដោយ ណយ នឿន( ប្រភពៈរដ្ឋបាលខេត្តកណ្តាល) សម្រួលផ្សាយដោយ៖ dara

(សូមអានបន្ត)

ឯកឧត្តម ស៊ុន ចាន់ថុល ចុះពិនិត្យគម្រោងអភិវឌ្ឍន៍ចំណតផែរណបពហុបំណង TS១១ របស់កំពង់ផែស្វយ័តភ្នំពេញ

  

ភ្នំពេញ: ថ្ងៃទី២៦ ខែមេសា ឆ្នាំ២០២២ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញចុះពិនិត្យវឌ្ឍនភាពការងារសាងសង់កំពង់ផែរណបពហុបំណង TS១១ របស់កំពង់ផែស្វយ័តភ្នំពេញ ដែលមានទីតាំងស្ថិតនៅតាមបណ្តោយផ្លូវជាតិលេខ៥ គីឡូម៉ែត្រ៦ ខណ្ឌឫស្សីកែវ រាជធានីភ្នំពេញ កាលពីថ្ងៃ៩រោច ខែចេត្រ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃចន្ទ ទី២៥ ខែមេសា ឆ្នាំ២០២២។

នៅក្នុងឱកាសនោះ ឯកឧត្តមទេសរដ្ឋមន្ត្រីបានមានប្រសាសន៍ថា ការអភិវឌ្ឍហេដ្ឋារចនាសម្ព័ន្ធចំណតផែរណបពហុបំណង TS១១ គឺជាការវិនិយោគរវាងកំពង់ផែស្វយ័តភ្នំពេញ (ភាគទុន៥១ភាគរយ) និងក្រុមហ៊ុន PTLS Co., LTD (ភាគទុន៤៩ភាគរយ) ដោយចំណាយទឹកប្រាក់សាងសង់ប្រមាណ ១២លានដុល្លារអាម៉េរិក។ គិតមកដល់ពេលនេះ ការសាងសង់សម្រេចបានប្រមាណ ៨៥ភាគរយ ដោយគ្រោងបញ្ចប់ការសាងសង់នៅចុងខែមិថុនា និងបើកឱ្យដំណើរការប្រើប្រាស់កំឡុងខែកក្កដា ឆ្នាំ២០២២ខាងមុខនេះ ដែលអាចផ្ទុកទំនិញបានពី ៦ម៉ឺន ទៅ ៩ម៉ឺន TEUs ក្នុង១ឆ្នាំ។

ជាមួយគ្នានេះដែរ ឯកឧត្តមទេសរដ្ឋមន្ត្រីបានគូសបញ្ជាក់ថា រាជរដ្ឋាភិបាលបានអនុញ្ញាតឱ្យក្រសួងសាធារណការ និងដឹកជញ្ជូន ធ្វើការសិក្សាពីការស្ដារផ្លូវទឹកនៅតាមទន្លេបាសាក់ ពីព្រែកអំបិល ទៅខេត្តតាកែវ កំពត កែប មានចម្ងាយ ១៦៨គីឡូម៉ែត្រ ហើយក្រសួងសាធារណការ និងដឹកជញ្ជូន បានធ្វើការសិក្សាការស្ដារផ្លូវទឹក និងពិនិត្យមើលលទ្ធភាពធ្វើផ្លូវទឹកនេះថាធ្វើបាន ឬមិនបាន ដោយការរៀបចំផែនការស្ដារផ្លូវទឹក និងការសាងសង់ផែរណបបន្ថែម នេះគឺជាទិសដៅមួយដែលមានសារៈសំខាន់ណាស់ ក្នុងការធ្វើឱ្យចម្ងាយដឹកជញ្ជូនពីគ្រប់ផ្លូវទន្លេទៅកាន់សមុទ្រកម្ពុជាកាន់តែខ្លី កាត់បន្ថយពេលវេលា និងចម្ងាយដឹកជញ្ជូន ចំណេញថវិកាក្នុងការដឹកជញ្ជូន កាត់បន្ថយគ្រោះថ្នាក់ចរាចរណ៍ និងសម្ពាធនៃការប្រើប្រាស់ផ្លូវ ព្រមទាំងបង្កើនសកម្មភាពដឹកជញ្ជូនតាមផ្លូវទឹកកាន់តែច្រើនផងដែរ។

ទន្ទឹមនឹងនេះ ឯកឧត្តមទេសរដ្ឋមន្ត្រីបានគូសបញ្ជាក់បន្ថែមទៀតថា ការរៀបចំផែនការស្ដារផ្លូវទឹកទន្លេបាសាក់ ក៏ដូចជាការរៀបចំរបស់កំពង់ផែស្វយ័តភ្នំពេញ គឺជាជំហានមួយដែលជួយបង្កើនការដឹកជញ្ជូននៅតាមផ្លូវទឹកឱ្យបានច្រើន ហើយការសាងសង់ពង្រីកផែរណបមួយចំនួនទៀត នេះគឺជាជំហានដ៏ធំមួយដែលជួយបង្កើន ការដឹកជញ្ជូនតាមផ្លូវទឹកឱ្យបានច្រើន និងពង្រីកវិស័យភ័ស្តុភារកម្មរបស់កម្ពុជា ឱ្យមានប្រសិទ្ធភាពខ្ពស់ផងដែរ។ គម្រោងប្រព័ន្ធផ្លូវទឹក និងភ័ស្តុភារកម្មទន្លេបាសាក់ នឹងផ្តល់អត្ថប្រយោជន៍យ៉ាងច្រើនដល់ការអភិវឌ្ឍពហុវិស័យដូចជា លើកកម្ពស់ការតភ្ជាប់ការដឹកជញ្ជូនអន្តរកម្ម ដែលចុះសម្រុងគ្នា និងរួមបញ្ចូលគ្នាជា មួយមជ្ឈមណ្ឌលដឹកជញ្ជូន តំបន់ពាណិជ្ជកម្ម កសិកម្ម ប្រព័ន្ធធារាសាស្រ្ត ឧស្សាហកម្ម ទេសចរណ៍ និងមជ្ឈមណ្ឌលពាណិជ្ជកម្ម។ គម្រោងនេះនឹងជួយជំរុញ និងពន្លឿនការអភិវឌ្ឍ នគរូបនីយកម្មទីក្រុង និងហេដ្ឋារចនាសម្ព័ន្ធជនបទ ឆ្ពោះទៅរកការលើកកម្ពស់ជីវភាពរស់នៅរបស់ប្រជាពលរដ្ឋក្នុងមូលដ្ឋាននៅកម្ពុជា និរន្តរភាពកំណើនម៉ាក្រូសេដ្ឋកិច្ចរបស់ប្រទេស ព្រមទាំងពន្លឿនការកាត់បន្ថយភាពក្រីក្ររបស់ប្រជាជនកម្ពុជាផងដែរ។

ឯកឧត្តមទេសរដ្ឋមន្ត្រី បានមានប្រសាសន៍ថ្លែងអំណរគុណ ចំពោះថ្នាក់ដឹកនាំកំពង់ផែ បុគ្គលិក មន្ត្រី ក្រុមប្រឹក្សាភិបាលដែលមានគំនិតផ្ដួចផ្ដើម បានខិតខំប្រឹងប្រែងស្វែងរកដៃគូផ្នែកឯកជន សហការគ្នាបានយ៉ាងល្អ ហើយការចូលរួមពីវិស័យឯកជនជាមួយវិស័យរដ្ឋក្នុងការអភិវឌ្ឍហេដ្ឋារចនាសម្ព័ន្ធផ្សេងៗ គឺជាការបង្កើនសេដ្ឋកិច្ចជាតិឱ្យមានការរីកចម្រើនផងដែរ ៕ ដោយ ទេស ច័ន្ទសុធារី (ប្រភព៖ ក្រសួងសាធារណការ និងដឹកជញ្ជូន) សម្រួលផ្សាយដោយ៖ dara

(សូមអានបន្ត)

ក្រុមសមាជិកាព្រឹទ្ធសភា ចុះសំណេះសំណាលសមាជិកា ក្រុមប្រឹក្សាឃុំ សង្កាត់ មកពីខេត្តកំពត និងខេត្តកែប

  ក្រុមសមាជិកាព្រឹទ្ធសភា ចុះសំណេះសំណាលសមាជិកា ក្រុមប្រឹក្សាឃុំ សង្កាត់ មកពីខេត្តកំពត និងខេត្តកែប

កំពត ៖ថ្ងៃទី២៣ខែមេសា ឆ្នាំ២០២២ក្រុមសមាជិកាព្រឹទ្ធសភា កាលពីថ្ងៃទី២២ ខែមេសា ឆ្នាំ២០២២ បានរៀបចំពិធីជួបសំណេះ សំណាលជាមួយនឹងសមាជិកាក្រុមប្រឹក្សាឃុំ សង្កាត់ មកពីខេត្តកំពត និងខេត្តកែប ក្រោមអធិបតីភាពលោកជំទាវ មាន សំអាន ប្រធានក្រុមសមាជិកាព្រឹទ្ធសភា និងជាប្រធានគណៈកម្មការទី៨ព្រឹទ្ធសភា ដោយមានការចូលរួមពីឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត ប្រធានក្រុមប្រឹក្សាខេត្ត សមាជិកាក្រុមប្រឹក្សាខេត្ត អភិបាលរងខេត្តជាស្ត្រី នៃខេត្តទាំងពីរ តំណាងរាស្រ្តខេត្តកំពត មន្ទីរជំនាញពាក់ព័ន្ធនានាជុំវិញខេត្ត សមាជិកាក្រុមប្រឹក្សាឃុំ សង្កាត់ និងអ្នកទទួលបន្ទុកកិច្ចការនារី និងកុមារសរុបចំនួន២១០នាក់ នៅសាលប្រជុំសាលាខេត្តកំពត។

សូមជម្រាបថា ពិធីសំណេះសំណាលនាពេលនេះរៀបចំឡើងក្នុងគោលបំណង៖ ទី១-ដើម្បីលើកទឹកចិត្ត និងបង្កើនទំនាក់ទំនងភាពជិតស្និទ្ធរវាងក្រុមសមាជិកាព្រឹទ្ធសភាជាមួយសមាជិកាក្រុមប្រឹក្សាឃុំ សង្កាត់។ ទី២-រួមគ្នាក្នុងការចូលរួមពង្រឹងពង្រីកការអភិវឌ្ឍនៅមូលដ្ឋានឱ្យកាន់តែប្រសើរឡើង ឈ្វេងយល់អំពីសភាពការណ៍រួមក្នុងមូលដ្ឋាន ការងារសន្តិសុខសណ្តាប់ធ្នាប់ ការផ្តល់សេវាសាធារណៈជូនប្រជាពលរដ្ឋ និងការត្រៀមលក្ខណៈសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ ឆ្នាំ២០២២ នាពេលខាងមុខ។ ទី៣-ការផ្តល់ឱកាសដល់សមាជិកាក្រុមប្រឹក្សាឃុំ សង្កាត់ និងបេក្ខជន ស្រ្តីឈរឈ្មោះបោះឆ្នោត ក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ បញ្ចេញមតិយោបល់ សំណួរ បញ្ហាប្រឈម និងសំណូមពរ ព្រមទាំងចែករំលែកបទពិសោធន៍ក្នុងការបំពេញការងារ។ ទី៤-ការពង្រឹង និងលើកកម្ពស់សមត្ថភាពភាពក្លាហាន ក្នុងការចូលរួមធ្វើសេចក្តីសម្រេចចិត្តរបស់បេក្ខភាពស្ត្រីឱ្យកាន់តែប្រសើរឡើង និងចូលរួមជ្រើសរើសអ្នកដឹកនាំក្រុមប្រឹក្សាឃុំ សង្កាត់ ដែលមានសមត្ថភាពពិតប្រាកដ ដើម្បីអភិវឌ្ឍន៍មូលដ្ឋានរបស់ខ្លួនឱ្យបានកាន់តែល្អប្រសើរ និងទី៥-លើកកម្ពស់សមភាពយេនឌ័រ និងសុខភាពសាធារណៈ ការរស់នៅ និងការធ្វើការងារតាមគន្លងប្រក្រតីភាពថ្មីក្នុងបរិបទនៃជំងឺកូវីដ-១៩។ ក្នុងនាមក្រុមសមាជិកាព្រឹទ្ធសភា លោកជំទាវ មាន សំអាន បានធ្វើការកត់សម្គាល់ថា ស្ត្រីកម្ពុជាតែងទទួលបានកាលានុវត្តភាព ដោយមានការចូលរួមគ្រប់កិច្ចការអភិវឌ្ឍសេដ្ឋកិច្ចសង្គមជាតិ ទាំងផ្នែកវិស័យសាធារណៈ សន្តិសុខ នយោបាយ ការទូត ឯកជន អង្គការជាតិ អន្តរជាតិ និងត្រូវបានលើកទឹកចិត្តឱ្យចាប់យកតួនាទីសំខាន់ៗដោយស្មើភាព និងគ្មានការរើសអើង។ ដោយបច្ចុប្បន្នស្ត្រីក្នុងភាពជាអ្នកដឹកនាំកាន់តែមានចំនួនកើនឡើងជាលំដាប់ ស្របទៅនឹងយុទ្ធសាស្រ្តចតុកោណរបស់រាជរដ្ឋាភិបាល ដែលបានចាត់ទុកស្ត្រីជាឆ្អឹងខ្នងនៃសេដ្ឋកិច្ច និងសង្គមជាតិ ហើយទោះបីចំនួនស្ត្រីក្នុងជួរថ្នាក់ដឹកនាំកើនឡើងក៏ដោយ ក៏នៅពុំទាន់សមស្របទៅតាមតម្រូវការចាំបាច់។

លោកជំទាវ មាន សំអាន បានលើកទឹកចិត្ត និងក្រើនរំលឹកដ៏សមាជិកាក្រុមប្រឹក្សាឃុំ សង្កាត់ទាំងអស់ សូមយកចិត្តទុកដាក់បន្តអនុវត្តការងារតាមតួនាទីភារកិច្ចរបស់ខ្លួន ក្នុងការបម្រើប្រជាពលរដ្ឋឱ្យកាន់តែល្អ និងយកចិត្តទុកដាក់បន្ថែមលើការអនុវត្តគោលនយោបាយភូមិ ឃុំ សង្កាត់។ ជាមួយគ្នានេះ លោកជំទាវ បានក្រើនរំលឹកដល់សមាជិកាក្រុមប្រឹក្សាឃុំ សង្កាត់ ឱ្យបន្តប្រុងប្រយ័ត្នខ្ពស់មិនត្រូវភ្លេចការពារខ្លួនពីជំងឺកូវីដ-១៩ និងសូមអំពាវនាវឱ្យបងប្អូនមេត្តាបន្តអនុវត្តនូវវិធានការសុខាភិបាលឱ្យបានខ្ជាប់ខ្ជួន និងហ្មត់ចត់ ដើម្បីទទួលបានសុខភាពល្អប្រសើរ បន្តប្រតិបត្តិការងារ និងប្រកបជីវភាពប្រចាំថ្ងៃ ទៅតាមគន្លងថ្មីជាមួយ នឹងជំងឺរាតត្បាតកូវីដ-១៩ ដែលមិនទាន់រលត់សាបសូន្យនៅឡើយ។

ពិធីសំណេះសំណាលនេះបានប្រព្រឹត្តទៅរយៈពេលមួយព្រឹក ដោយមានកម្មវិធីដូចជា៖ ទស្សនាខ្សែវីដេអូ ស្តីពីព្រឹទ្ធសភានៃព្រះរាជាណាចក្រកម្ពុជា និងវឌ្ឍនភាពការងាររបស់ក្រុមសមាជិកាព្រឹទ្ធសភា ឆ្នាំ២០២១។ មតិស្វាគមន៍របស់ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត និងការចូលរួមមតិយោបល់ សំណួរ បញ្ហាប្រឈម និងសំណូមពររបស់សមាជិកាក្រុមប្រឹក្សាឃុំ សង្កាត់ និងមតិយោបល់ និងការចូលរួមផ្តល់អនុសាសន៍ល្អៗពីក្រុមសមាជិកាព្រឹទ្ធសភា ពាកព័ន្ធនឹងវឌ្ឍនភាព និងការឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ ឆ្នាំ២០២២ ដោយឡែកនេះផងដែរ ក្រុមសមាជិកាព្រឹទ្ធសភា ដឹកនាំដោយលោកជំទាវ មាន សំអាន ប្រធានក្រុម និងជាប្រធានគណៈកម្មការទី៨ព្រឹទ្ធសភា លោកជំទាវ ទី បូរ៉ាស៊ី ប្រធានគណៈកម្មការ ទី៥ព្រឹទ្ធសភា បានអញ្ជើញចូលរួមជាមួយនឹង ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត ជួបសំណេះសំណាល និងចែកអំណោយជូនដល់បងប្អូនប្រជាពលរដ្ឋដែលមានជីវភាពខ្វះខាត បងប្អូនដែលមានមុខរបរមិនទៀងទាត់ និងបងប្អូនគ្រួសារម៉ូតូឌុប សរុបចំនួន៣៥០នាក់ ដោយក្នុងម្នាក់ៗទទួលបាន អង្ករ១០គីឡូ ព្រមទាំងសម្ភារមួយចំនួន៕ ដោយ៖ គង់ សិរីរ័ត្ន, ប្រភព៖ ព្រឹទ្ធសភា សម្រួលផ្សាយដោយ៖ ដារ៉ា

(សូមអានបន្ត)

អ្នកកាសែត០៤នាក់ មានសេរីភាពវិញហើយ បន្ទាប់ពីមានកិច្ចអន្តរាគមន៍របស់ ថ្នាក់ដឹកនាំ សមាគមសេរីភាពអ្នកសារព័ត៌មានកម្ពុជា ជាមួយសមត្ថកិច្ចពាក់ព័ន្ធ

កំពង់ឆ្នាំង៖ លោក ទេស វិបុល ប្រធាន សមាគមសេរីភាពអ្នកសារព័ត៌មានកម្ពុជា និង សហការី រួមជាមួយចាងហ្វាង២រូប នៅថ្ងៃទី២២ ខែមេសា ឆ្នាំ២០២២នេះ បានអញ្ជើញបំពេញបេសកកម្មនៅខេត្តកំពង់ឆ្នាំង ដើម្បីសម្របសម្រួល ព្រមទាំង ដាក់លិខិតស្នើសុំទៅស្ថាប័នតុលា ឱ្យជួយដោះលែង បងប្អូនអ្នកការសែត ០៤នាក់ ដែលត្រូវបានសមត្ថកិច្ចឃាត់ខ្លួន កាលពីថ្ងៃទី២១ ម្សិលមិញ ចំនួន០៣បទល្មើស គឺបទ ចូលលំនៅឋានឆែកឆេរសួរនាំពុំមានការអនុញ្ញាត, បទលួចថត និង បទជ្រៀតជ្រែកកិច្ចការមុខងារសាធារណៈ ពាក់ព័ន្ធហាងលក់ម៉ូតូ១កន្លែង។

ជាលទ្ធផល នៅរសៀលថ្ងៃដដែលនេះ អ្នកទាំង៤ត្រូវបានដោះលែងឱ្យមានសេរីភាពវិញហើយ ក្រោយ ដើមបណ្តឹង និងចុងចោទទាំង៤នាក់ បានចាប់ដៃយោគយល់អធ្យាស្រ័យគ្នាក្នុងនាមជាខ្មែរ ក្រោមការសម្របសម្រួលរបស់លោកប្រធានសមាគម។ ជាមួយគ្នានេះ លោកប្រធានសមាគម បានរៀបចំអាហារសាមគ្គី ផ្តល់មតិអប់រំល្អ ជូនក្រុមអ្នកកាសែតដែលបានចូលរួម ឱ្យយល់ដឹង និង ជៀសវៀងការប្រព្រឹត្តអំពើខុសច្បាប់បន្តទៀត។

ក្នុងនាម សមាគមអ្នកកាសែត លោក ទេស វិបុល សម្តែងក្តីសប្បាយរីករាយ ឃើញបងប្អូនមានសេរីភាពវិញ និង សូមថ្លែងអំណរគុណយ៉ាងជ្រាលជ្រៅបំផុតចំពោះ៖

១.លោកឧត្តមសេនីយ៍ទោ ខូវ លី ស្នងការនគរបាលខេត្ត ដែលបានទទួលស្វាគមន៍យ៉ាងកក់ក្តៅ និង សហការជាមួយសមាគម សម្រួល អភ័យទោស

២.ឯកឧត្តម អុិត សុធា ព្រះរាជអាជ្ញាអមសាលាដំបូងខេត្តកំពង់ឆ្នាំង និង

៣.ឯកឧត្តម គឹម រ័ត្នណារិន ប្រធានសាលាដំបូងខេត្ត ដែលមានចិត្តមេត្តា ករុណា ជួយសម្រួលឱ្យអ្នកកាសែតទាំង៤ មានសេរីភាពវិញ។

សមាគម សូមអំពាវនាវបងប្អូនអ្នកសារព័ត៌មានទាំងអស់គ្នា ចូលរួមសហការល្អ ជាមួយអាជ្ញាធរពេលចុះបំពេញការងារ និង សូមចូលរួមគោរពច្បាប់ជាគោល លិខិតបទដ្ឋានគតិយុត្តិនានា និង ក្រមសីលធម៌វិជ្ជាជីវៈព័ត៌មាន ឲ្យបានខ្ជាប់ខ្ជួន ជាពិសេស អនុវត្តអនុសាសន៍ដ៏ខ្ពង់ខ្ពស់របស់ សម្តេចតេជោ ហ៊ុន សែន « កុំបំពានសិទ្ធិអ្នកដទៃ កុំបំភ្លៃការពិត»៕

(សូមអានបន្ត)

អាមេរិក អង់គ្លេស កាណាដា សន្យាបញ្ជូនកាំភ្លើងធំបន្ថែមឱ្យអ៊ុយក្រែន

(វ៉ាស៊ីនតោន)៖ មេដឹកនាំសហរដ្ឋអាមេរិក ចក្រភពអង់គ្លេស និងកាណាដាបានសន្យាថានឹងបញ្ជូនកាំភ្លើងធំបន្ថែមទៅឱ្យអ៊ុយក្រែន ដែលកំពុងប្រឈមមុខនឹងការវាយលុកសាជាថី្មពីសំណាក់កងទ័ពរុស្ស៉ី នៅឯតំបន់ភាគខាងកើតនៃប្រទេស។ នេះបើតាមការចេញ ផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី២០ ខែមេសា ឆ្នាំ២០២២។

ការសន្យាខាងលើធ្វើឡើង នៅក្នុងកិច្ចប្រជុំតាមប្រព័ន្ធវីដេអូកាលពីថ្ងៃអង្គារសប្ដាហ៍នេះដែលមានការចូលរួមពីប្រធានាធិបតីអាមេរិក លោក ចូ បៃដិន, នាយករដ្ឋមន្ត្រីអង់គ្លេស លោក បូរីស ចនសុន និងនាយករដ្ឋមន្ត្រីកាណាដា លោក ចាស្ទីន ឌ្រូដូ ព្រមទាំងមេដឹកនាំ នៃប្រទេសជាសម្ព័ន្ធមិត្តជាច្រើនរូបទៀត។

លើសពីនេះទៅទៀត បើតាមប្រភពជាច្រើនពីក្រុមមន្ត្រីអាមេរិក, លោក ចូ បៃដិន ក៏ត្រូវបានគេរំពឹងដែរថានឹងប្រកាសនៅប៉ុន្មានថ្ងៃ ខាងមុខនេះ ពីការផ្ដល់ជំនួយយោធាបន្ថែម ដែលមានទំហំទឹកប្រាក់ប្រហែលនឹងជំនួយយោធា ៨០០លានដុល្លារដែលរដ្ឋបាលរបស់ លោកប្រកាសផ្ដល់ឱ្យអ៊ុយក្រែនកាលពីសប្ដាហ៍មុន។ ប្រសិនបើជំនួយយោធាថ្មីនេះត្រូវបានប្រកាសមែន នោះវានឹងធ្វើឱ្យកញ្ចប់ ជំនួយយោធាដែលអាមេរិកផ្ដល់ឱ្យអ៊ុយក្រែនកើនដល់ជាង ៣ពាន់លានដុល្លារ ចាប់តាំងពីសង្រ្គាមផ្ទុះឡើងកាលពីថ្ងៃទី២៤ ខែកុម្ភៈមក។

គួរបញ្ជាក់ថា រុស្ស៉ីក៏ធ្លាប់បានផ្ញើកំណត់ទូតផ្លូវការទៅកាន់សហរដ្ឋអាមេរិកផងដែរ ដើម្បីបង្ហាញការជំទាស់ទៅនឹងការផ្ដល់អាវុធឱ្យ អ៊ុយក្រែន ជាមួយការព្រមានពីផលវិបាកធ្ងន់ធ្ងរមិនអាចស្មានបាន បើវ៉ាស៊ីនតោន និង NATO នៅតែបន្តបញ្ជូនអាវុធឱ្យទីក្រុងកៀវ៕

(សូមអានបន្ត)

សមាគមគ្រូពេទ្យស្ម័គ្រចិត្តយុវជនសម្តេចតេជោ និងអង្គការមូលនិធិនគរទេព ចុះអនុស្សរណៈយោគយល់គ្នា

 ភ្នំពេញ :ឯកឧត្តមបណ្ឌិត ហ៊ុន ម៉ាណែត ប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) អញ្ជើញចុះហត្ថលេខាលើអនុស្សរណៈយោគយល់ជាមូយអង្គការមូលនិធិនគរទេព តំណាងដោយលោកជំទាវកិត្តិបណ្ឌិត អ៉ឹង កន្ថាផាវី រដ្ឋមន្រ្តីក្រសួងកិច្ចការនារី និងជាសហស្ថាបនិកអង្គការមូលនិធិនគរទេព និងលោកស្រី Janne Ritskes សហស្ថាបនិកអង្គការមូលនិធិនគរទេព ដោយមានការអញ្ជើញចូលរួមពីលោកជំទាវបណ្ឌិត ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) នាថ្ងៃទី២០ ខែមេសា ឆ្នាំ២០២២។

រូបថត៖ ស៊ិន សារ៉េត

(សូមអានបន្ត)

ផែនទីបង្ហាញផ្លូវការអភិវឌ្ឍនិងទាក់ទាញវិនិយោគ រៀប ចំឡើងដើម្បីបង្ហាញពីចក្ខុ វិស័យវែងឆ្ងាយរបស់រាជរដ្ឋាភិ បាល

    ផែនទីបង្ហាញផ្លូវការអភិវឌ្ឍនិងទាក់ទាញវិនិយោគ រៀប ចំឡើងដើម្បីបង្ហាញពីចក្ខុ វិស័យវែងឆ្ងាយរបស់រាជរដ្ឋាភិ បាល

ផែនទីបង្ហាញផ្លូវការអភិវឌ្ឍ និងទាក់ទាញវិនិយោគលើវិស័យចំនួន២ ត្រូវបានរៀបចំ ឡើងដើម្បីបង្ហាញពីចក្ខុវិស័យវែងឆ្ងាយរបស់រាជរដ្ឋាភិបាល ជាពិសេសគំនិតផ្តួតផ្ដើម សម្រាប់ការអភិវឌ្ឍវិស័យយានយន្ត និងអេឡិចត្រូនិក ។

 យោងតាមសេចក្តីប្រកាសព័ត៌មាននៃកិច្ចប្រជុំពិភាក្សានៃគណៈកម្មាធិការគោលនយោ បាយសេដ្ឋកិច្ច និងហិរញ្ញវត្ថុ ស្តីពី «ការរៀបចំផែនទីបង្ហាញ ផ្លូវការអភិវឌ្ឍ និងទាក់ទាញវិនិយោគលើវិស័យយានយន្ត និងអេឡិចត្រូនិក » ដែលដឹក នាំដោយ ឯកឧត្តមអគ្គបណ្ឌិត សភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ (គ.ស.ហ.) នៅព្រឹកថ្ងៃទី១៩ ខែមេសា ឆ្នាំ ២០២២ បានបញ្ជាក់ថា ឯកសារចំនួនពីរត្រូវបានរៀបចំឡើង ដើម្បីបង្ហាញពីចក្ខុវិស័យវែងឆ្ងាយ

របស់រាជ រដ្ឋាភិបាល ជាពិសេសគំនិតផ្តួចផ្ដើម សម្រាប់ការអភិវឌ្ឍវិស័យយានយន្ត និងអេឡិច ត្រូនិក ដែលក្នុងនោះរួមមាន៖ 

១). «ផែនទីបង្ហាញផ្លូវការអភិ វឌ្ឍ និងទាក់ទាញវិនិយោគលើវិស័យយានយន្ត» មានគោលបំណងអភិវឌ្ឍ និងផ្សារភ្ជាប់វិស័យយានយន្តនៃប្រទេសកម្ពុជាទៅនឹងខ្សែច្រវាក់តម្លៃតំបន់ និងសកល និងជាពិសេសប្រែក្លាយកម្ពុជាទៅជាមជ្ឈមណ្ឌលផលិតគ្រឿងផ្គុំយានយន្ត (Compo nents Manufacturing Hub) ព្រមទាំងជំរុញការ ផលិតគ្រឿងផ្គុំយានយន្តដែលមានលក្ខណៈស្មុគស្មាញ និងតម្លៃបន្ថែមខ្ពស់ជាងមុន ។

២). «ផែនទីបង្ហាញផ្លូវការអភិវឌ្ឍ និងទាក់ទាញវិនិយោគលើវិស័យ

អេឡិចត្រូនិក» មានគោលបំណងប្រែក្លាយប្រទេសកម្ពុជាទៅជាមជ្ឈមណ្ឌលផលិតគ្រឿងអេឡិចត្រូនិក ដែលមានសមាហរណកម្មខ្ពស់ (Integrated Electronics Production Hub) ដែលផលិតគ្រឿងបន្លាស់អេឡិចត្រូនិកជាច្រើនប្រភេទ, ផលិតគ្រឿងបង្គុំពាក់កណ្ដាលសម្រេច(Subassemble Products) និងផលិត-ផលសម្រេច (Fully Assem bled Products) ដើម្បីបម្រើទីផ្សារនាំចេញក្នុងតំបន់ និងពិភពលោក ។

 ប្រភពបានបន្តថា ក្នុងរយៈ ពេលចុងក្រោយនេះ វិស័យយានយន្តនិងវិស័យអេឡិចត្រូ និកនៅកម្ពុជា មានភាពរីក ចម្រើនគួរឱ្យកត់សម្គាល់ ។ 

ជាមួយគ្នានេះ ដោយផ្អែកលើលទ្ធភាព និងសក្តានុពលជាក់ ស្តែង ក្រៅពីវិស័យផ្សេងទៀតរាជរដ្ឋាភិបាលបានកំណត់យកវិស័យយានយន្ត និងវិស័យអេឡិចត្រូនិក ជាវិស័យអាទិភាព ដែលមានសក្តានុពលសម្រាប់ជំរុញការចូលរួមរបស់កម្ពុជាទៅក្នុងខ្សែច្រវាក់តម្លៃសកល ក៏ដូចជាការលើក កម្ពស់ការធ្វើពិពិធកម្មសេដ្ឋ កិច្ច និងជាពិសេសចូលរួមស្តារសេដ្ឋកិច្ចកម្ពុជាឡើងវិញក្រោយវិបត្តិនៃជំងឺកូវីដ-១៩ ស្របតាមមាគ៌ាដែលបានដាក់ចេញក្នុង “ក្របខណ្ឌយុទ្ធសាស្ត្រ និងកម្មវិធីស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មី សម្រាប់ឆ្នាំ២០២១- ២០២៣» ។

 តាមរយៈនេះ ក្រុមការងារអន្តរក្រសួង-ស្ថាប័ន បានសហការជាមួយការិយាល័យបរទេស, សហធនរដ្ឋ និងការអភិវឌ្ឍ (Foreign, Comm onwealth and Develop ment Office – FCD0) នៃចក្រភពអង់គ្លេស និង ក្រុម ហ៊ុន BCG ក្នុងការអនុវត្តកម្ម វិធីពន្លឿនការគាំទ្រសេដ្ឋកិច្ចក្នុងដំណាក់កាលជំងឺកូវីដ- ១៩ (Accelerated Covid -19 Economic Support – ACES) សំដៅជំរុញ និងលើកកម្ពស់វិស័យទាំងពីរបន្ថែមទៀត ។ ជាចុងបញ្ចប់ ឯកឧត្តមអគ្គ បណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី ប្រធានអង្គប្រជុំ បានថ្លែងអំណរគុណចំពោះរដ្ឋាភិបាល និងប្រជា ជនអង់គ្លេសដែលបានពង្រឹង និងពង្រីកកិច្ចសហប្រតិបត្តិការជាមួយកម្ពុជា និងបានផ្តល់ជាជំនួយដល់ប្រជាជន និងរាជរដ្ឋាភិបាលកម្ពុជា ក្នុងការប្រយុទ្ធនឹងជំងឺកូវីដ-១៩ ព្រមទាំងបានផ្តល់ជំនួយបច្ចេកទេសក្នុងការរៀបចំ និងអនុវត្តកម្មវិធី ACES ដែលបានលោកជំទាវឯកអគ្គរាជទូត Tina Redshaw ជាតំណាង ។

 ឯកឧត្តមប្រធានអង្គប្រជុំ ក៏បានវាយតម្លៃខ្ពស់ដល់ក្រុម ការងារអន្តរក្រសួង- ស្ថាប័ន និងក្រុមហ៊ុន BCG ដែលបានផ្តល់កិច្ចសហប្រតិបត្តិការយ៉ាងពេញលេញ និងល្អប្រសើរ ក្នុងការរៀបចំផែនទីបង្ហាញផ្លូវដ៏មានសារសំខាន់នេះឡើង និងបានស្នើឱ្យក្រសួង-ស្ថាប័នពាក់ព័ន្ធបន្តផ្តល់កិច្ចសហការជាមួយក្រុម ហ៊ុន BCG និងកែសម្រួលសេចក្តីព្រាងផែនទីបង្ហាញផ្លូវនេះ ស្របតាមស្មារតីនៃអង្គ ប្រជុំ ប្រកបដោយគុណភាព និងគ្រប់ជ្រុងជ្រោយ មុននឹងបន្តនីតិវិធីគោរពស្នើសុំការអនុ ម័តពីប្រមុខរាជរដ្ឋាភិបាល ៕

(សូមអានបន្ត)

លោកជំទាវ ឱ វណ្ណឌីន ៖ សូមបងប្អូនធ្វើតេស្តរហ័សភ្លាម ក្នុងករណីសង្ស័យ បន្ទាប់ពីបានដើរកម្សាន្តក្នុងឱកាសបុណ្យចូលឆ្នាំខ្មែរ

  លោកជំទាវ ឱ វណ្ណឌីន ៖ សូមបងប្អូនធ្វើតេស្តរហ័សភ្លាម ក្នុងករណីសង្ស័យ បន្ទាប់ពីបានដើរកម្សាន្តក្នុងឱកាសបុណ្យចូលឆ្នាំខ្មែរ

 ភ្នំពេញ: ល្ងាចថ្ងៃទី១៨ ខែមេសា ឆ្នាំ២០២២ រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស លោកជំទាវវេជ្ជបណ្ឌិត ឱ វណ្ណឌីន តាមរយៈទីភ្នាក់ងារសារព័ត៌មានកម្ពុជា នៅល្ងាចថ្ងៃទី១៨ ខែមេសា ឆ្នាំ២០២២នេះ បានអំពាវនាវដល់បុគ្គល និងក្នុងក្រុមគ្រួសារនីមួយៗ​ ដែលមានការសង្ស័យ​ថាឆ្លងវីរុសកូវីដ-១៩ សូមធ្វើតេស្តរហ័ស​ភ្លាម ឬទៅពិនិត្យសុខភាពនៅតាមមន្ទីរពេទ្យរដ្ឋដែលនៅជិតផ្ទះឱ្យបានឆាប់។

លោកជំទាវ បានបញ្ជាក់បន្ថែមថា មានការព្រួយបារម្ភពីការឆ្លងកូវីដ-១៩​ ឬមិនព្រួយបារម្ភ​ បន្ទាប់ពីពិធីបុណ្យចូលឆ្នាំថ្មីប្រពៃណីជាតិខ្មែរ ដែលយើងគួរពិនិត្យមើលតាមស្ថានភាពនៃការសប្បាយរីករាយរបស់បងប្អូនប្រជាពលរដ្ឋយើង​ ហើយក៏ជាការទទួលខុសត្រូវ​ និងការសម្រេចចិត្តរបស់បុគ្គលម្នាក់ៗ និងក្រុមគ្រួសារផងដែរ ក្នុងការអនុវត្តការការពារការចម្លងកូវីដ-១៩ ហើយយើងក៏មិនទាន់អាចវាយតម្លៃស្ថានភាពនៃការឆ្លងបាននៅឡើយទេ​ ព្រោះទើបតែបញ្ចប់ពិធីអបអរបុណ្យចូលឆ្នាំប្រពៃណីជាតិខ្មែរយើង​ ដែល​ត្រូវរង់ចាំ​ និងបន្តពិនិត្យមើលក្រែងមានស្ថានភាពនៃការផ្ទុះការឈឺណាមួយ​ នៅតំបន់ណាមួយ​ រហូតដល់ដំណាច់ខែមេសានេះ។

ជាមួយគ្នានេះ ការទទួលខុសត្រូវ​របស់បុគ្គល និងសហគមន៍​នាពេលនេះ​ ជាការកំណត់នូវស្ថានភាពឆ្លងនៃជំងឺកូវីដ-១៩​ ក្នុងក្រុមគ្រួសារនីមួយៗ​ ហើយប្រសិនបើលោកអ្នកមានការសង្ស័យ​ សូមធ្វើតេស្តរហ័ស​ ឫទៅពិនិត្យសុខភាព ហើយបើលទ្ធផលបង្ហាញ​ វិជ្ជមានកូវីដ-១៩​ និងបើក្នុងលក្ខណ:ស្រាល សូមនៅដោយឡែក​ ការពារកុំឱ្យឆ្លងទៅក្រុមគ្រួសារ​ និងអ្នកដទៃ​ ហើយថែទាំព្យាបាលខ្លួននៅផ្ទះឱ្យបានល្អហ្មត់ចត់​ តាមការណែនាំរបស់ក្រសួងសុខាភិបាលនាពេលកន្លងមក​។ ដោយឡែក បើសិនមានរោគសញ្ញាសង្ស័យថាធ្ងន់ធ្ងរ​ សូមប្រញាប់ទៅស្វែងរកការព្យាបាលនៅតាមមន្ទីរពេទ្យរដ្ឋ​ កុំសង្ងំនៅផ្ទះ​ដែលអាចនាំឱ្យស្លាប់បាត់បង់ជីវិតបាន។

បន្ថែមពីលើនេះ លោកជំទាវ ក៏បានអំពាវនាវដល់គ្រប់បុគ្គល សូមរាយការណ៍ជូនអាជ្ញាធរមូលដ្ឋាន​ ឫក្រុមគ្រូពេទ្យដែលនៅតំបន់បុគ្គលរស់នៅ​ ដើម្បីជួយអន្តរាគមន៍​បានទាន់ពេលវេលា និងសូមនាំគ្នាទៅចាក់វ៉ាក់សាំងកូវីដ-១៩​ ទាំងដូសមូលដ្ឋាន​ និងដូសជំរុញ​ (ទី៣​ និងទី៤)​ ឱ្យបានគ្រប់ៗគ្នា​ ដើម្បីរក្សាបាននូវភាពស៊ាំរបស់បុគ្គល​ និងភាពស៊ាំរបស់សហគមន៍​ សម្រាប់រក្សានិរន្តរភាពនៃការរស់នៅធម្មតាតាមគន្លងប្រក្រតីភាពថ្មីបានយូរអង្វែងតទៅទៀត ខណៈដែលក្រុមគ្រូពេទ្យនៅបន្តចាក់ជារៀងរាល់ថ្ងៃជាពិសេសនៅតាមគោលដៅធំៗ​ ដូចជា មន្ទីរពេទ្យ មណ្ឌលសុខភាព មន្ទីរពេទ្យបង្អែក រោងចក្រ​ សហគ្រាស​ ទីផ្សារ​ និងសាលារៀន​ ជាដើម៕

(សូមអានបន្ត)